ZAJ NYEEM HNUB TIM 30 LUB 9 HLI 2025
HNUB NCO TXOG LEEJ NTSHIAB ZES LAUS
COV LUS NYOB HAUV LUS KAS NTAWV MOO ZOO (LK 9: 51-56)
Kwv tij sawv daws, lub sij hawm los txog ze lawm, muaj ntau yam uas Huab Tais Yes Xus tau ua raws li Leej Txiv Tswv Ntuj lub siab nyiam, uas nws yog tus xa Huab Tais Yes Xus tuaj rau ntiaj teb no. kev uas Huab Tais Yes Xus chaw mus hauv Yes Lus Xas Les, tsis rau luag lees txais nws, yog ib qho kev kawm rau peb tau pom tias, nyob rau hauv peb kev ua neej, tsis yog txhua qhov chaw, los yog txhua pawg neeg yuav nyiam yus zoo ib yam, peb yuav tsum npaj siab ntsib tej yam zoo li no, vim muaj tus nyiam yus los yeej muaj tus ntxub yus thiab. Li ntawd, peb yuav tso siab rau Huab Tais Tswv Ntuj, uas tus coj peb kev thiab saib xyaus peb, peb ua peb lub luag hauj lwm kom zoo tshaj plaws, ces peb tsis txhob txhawj tsis txhob ntshai.
Nyob zoo sawv daws.
