Zaj nyeem hnub tim 29 lub 5 hlis 2026
Hnub nco txog Leej Ntshiab Vaj Qhia Paj Lug Rau
Cov lus nyob hauv Mas Kos Ntawv Moo Zoo (MK 11: 11-26)
Kwv tij sawv daws, Huab Tais Yes Xus qhia kom peb muaj kev ntseeg, thiab txhob ua xyem xyav. Txhua yam uas peb tau thov Ntuj pab, mas peb ntseeg tias peb yuav tau txais xwb, tsis tas li ntawd, thaum peb thov Ntuj pab peb, peb tseem yuav tsum txawj zam rau luag lwm tus thiab. Peb tsoom ntseeg sawv daws, keev hais zaj Peb Txiv Nyob Saum Ntuj. Uas yog zaj nkauj teev Ntuj Huab Tais Yes Xus qhia nws cov thwj tim hais. Nyob rau hauv zaj no kuj muaj lub ntsiab qhia tias, thov kom Tswv Ntuj pub pov txaus peb noj hnub no, thov Tswv Ntuj zam rau peb zoo li peb zam rau luag. Li ntawd txhau txhia zaum thaum peb teev Ntuj peb yuav tsum, xyiv fab teev tiag tiag, peb tsis txhob yog hais ntawm lub ncauj xwb, tiam sis, yuav tsum hais tawm plaws hauv yus lub siab los. Ces Tswv Ntuj thiaj yuav pom yus lub dej siab.
Nyob zoo sawv daws.
