ZAJ NYEEM HNUB TIM 27 LUB 9 HLI 2025
HNUB NCO TXOG LEEJ NTSHIAB VES XOOS DAWS POS
COV LUS NYOB HAUV LUS KAS NTAWV MOO ZOO (LK 9: 43-45)
Kwv tij sawv daws, nyob rau hauv zaj no Huab Tais Yes Xus qhia txog zaum ob rau cov thwj tim, txog Huab Tais Yes Xus kev tuag, tiam sis, cov thwj tim tsis to taub dab tsi. Zoo yam li dab tsi npog lawv qhov muag, ces lawv tsis to taub txog lub ntsiab. Thiab lawv kuj ntshai nug Yes Xus txog lo lus ntawd.
Cov tub hluas ntxhais hluas thaum lawv tau kawm ntaub kawm ntawv, kawm txuj ci, kawm tej yam kev cai zoo, ces lawv zoo yam li lub paj tawg tshiab uas zoo nkauj. Lawv tsuas paub qhov zoo xwb, lawv tsis tau paub qhov phem, vim lawv tsis tau ntsib thiab tsis tau pom. Ces lawv txoj kev xav tseem zoo zoo nkauj xwb. Tiam sis, yog lawv tsis tau kawm kom paub Tswv Ntuj lo lus, thiab paub tias, sawv daws yog kwv yog tij, ces qhov kawg lawv yuav ua tau tej yam phem. Peb yuav pom tias, lub neej nyem no, cov hluas nyiam kev lom zem ntau xwb, yog qhov tsis lom zem mas lawv tsis xav ua. Ces qee zaus lawv yuav raug tus neeg phem haub ntxias yooj yim. Li ntawd peb thov Ntuj pab cov tub ntxhais hluas, kom Tswv Ntuj npo lawv dim ntawm tej kev phem kev tsis zoo, kom lawv txawj tig los nrhiav Tswv Ntuj.
Nyob zoo sawv daws.
