Zaj nyeem hnub tim 27 lub 2 hlis 2026
Hnub Rau, Lis Piam 1 caij Plaub Caug
Cov lus nyob hauv Mas Tais Ntawv Moo Zoo (MT 5: 20-26)
Kwv tij sawv daws, nyob rau lub caij Plaub Caug no, qhov uas lub Koom Txoos ib txwm qhia peb coj los yog hnub 6 hauv lub lis piam mas peb yuav yoo nqaij yoo mov, kom peb tau tig los yuav lub siab tshiab. Yog kev uas peb yuav koom nrog Huab Tais Yes Xus tiv kev txom nyem, koom nrog Yes Xus hla nws txoj kev tuag, thiab sawv rov los. Peb lub cev yuav tsis tuag yuav tsis hloov dua tshiab, tiam sis, peb lub qub siab yuav tuag thiab hloov dua tshiab, peb yuav pib dua lub siab tshiab kho peb lub neej kom zoo dua qub, tso tej yam phem yam tsis zoo uas peb tau ua los pov tseg mus nrog Huab Tais Yes Xus kev tuag. Peb yuav nrog Yes Xus sawv rov los muaj dua lub neej tshiab lawm, ces peb yuav muaj kev zoo siab hom khaj nyob hauv peb tus Huab Tais Yes Xus Pleev. Thov kom Huab Tais Tswv Ntuj txhawb peb lub zog kom peb yeej dab phem tej kev haub kev ntxias thiab pub kom peb coj tau lub neej raws li lub Moo Zoo qhia ua li. Nyob zoo sawv daws.
