Zaj nyeem hnub tim 26 lub 5 hlis 2026
Hnub nco txog Leej Ntshiab Fis Lis Nes Lis
Cov lus nyob hauv Mas Kos Ntawv Moo Zoo (MK 10: 28-31)
Kwv tij sawv daws, nyob rau hauv zaj no, Huab Tais Yes Xus tau txhib peb siab, kom peb txawj tso tej yam uas peb nyiam thiab peb ntshaw nyob ntiaj teb no tseg ib txhia, thiaj tsis ua chaw khuam peb kev uas yuav mus cuag Tswv Ntuj tau. Vim ntau zaus, peb tej kev ntshaw, thiab tej yam uas peb nyiam nyob hauv peb lub neej nyob ntiaj teb no, ua chaw khuam peb kev, kom peb ua tsis tau Tswv Ntuj txoj hauj lwm tshaj lub Moo Zoo. Li ntawd, peb yuav tsis txhob muab peb lub siab khi rau tej khoom, los yog tej tus neeg nyob ntiaj teb no, vim tej no, tsuas yog lub ntiaj teb tug, tsis tau yog peb tug tiag tiag. Peb yuav tsum nrhiav txoj sia nyob mus li, qhov ntawd thiaj yog peb tug tiag tiag.
Nyob zoo.
