ZAJ NYEEM HNUB TIM 25 LUB 6 HLI 2026
HNUB TSIB, LIS PIAM 12 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 7: 21-29)
Kwv tij Hmoob, hnub no Huab Tais Yes Xus qhia txog kev mus hauv Tswv Ntuj lub Ceeb Tsheej li cas. Puas yog tus paub Huab Tais Yes Xus zoo, puas yog tus tuav txog Huab Tais Yes Xus lub npe los qhia Tswv Ntuj txoj cai.
Huab Tais Yes Xus hais li no “Tus yuav taumus hauv Tswv Ntuj lub Ceeb Tsheej yog tus ua raws li kuv Txiv nyob saum ntuj lub siab nyiam.”
Tus ua raws li Leej Txiv lub siab nyiam yog tus zoo li cas?
Huab Tais Yes Xus qhia tias “Yog tus uas mloog kuv cov lus, thiab nws ua raws.”
Li ntawd, tus yuav tau mus hauv Tswv Ntuj lub Ceeb Tsheej, thiaj tsis yog tus paub Huab Tais Yes Xus zoo tab sis tsis kam ua raws li Huab Tais Yes Xus hais, kuj tsis yog tus niaj hnub tuav txog Huab Tais Yes Xus lub npe los qhia luag tej tab sis nws tsis ua raws li Huab Tais Yes Xus cov lus qhia.
Tshwj xeeb nyob hauv peb cov neeg ntseeg, cov leg Tswv Ntuj txoj hauj lwm, mas niaj hnub peb yuav tau tig los ntsia hauv peb lub neej, saib peb niaj hnub ua hauj lwm, mas puas yog peb ua raws li Huab Tais Yes Xus cov lus qhia. Niaj hnub peb hais tias peb ntseeg txog Huab Tais Yes Xus tab sis peb puas mloog Huab Tais Yes Xus cov lus. Ntshai tsam txog hnub peb tso ntiaj teb no tseg, tsis yog peb sib ntsib nyob pem Tswv Ntuj lub Ceeb Tsheej tab sis yog sib ntsib nyob hauv dab phem teb.
Nyob zoo sawv daws.
