ZAJ NYEEM HNUB TIM 24 LUB 12 HLIS 2025
HNUB PLAUB, LIS PIAM 4 CAIJ TOS HUAB TAIS
COV LUS NYOB HAUV LUS KAS NTAWV MOO ZOO (LK 1: 67-79)
Kwv tij sawv daws, Das Vis txoj kev nyiam thiab cia siab rau Tswv Ntuj loj kawg nkaus, nws xav txhim tsa ib lub tuam tsev teev Ntuj loj rau Tswv Ntuj. Tab sis qhov ntawd tsis yog qhov Tswv Ntuj xav tau. Tswv Ntuj txoj kev nyiam kev hlub uas nws muab rau Das Vis thiab nws tsoom xeeb ntxwv, nws ua raws li Ntxas Nkas Lias zaj nkauj teev Ntuj nyob hauv zaj no, uas nws cav txog Tswv Ntuj txoj kev nyiam kev hlub. Vim Tswv Ntuj tsis tso nws haiv neeg pov tseg, nws pheej xeeb rau nws lo lus cog tseg. Neeg txoj kev hlub txawj ploj txawj hloov, tiam sis, Tswv Ntuj txoj kev hlub uas nws muaj rau neeg yuav tsis ploj tsis hloov mus. Yog li thov kom peb tso siab rau Tswv Ntuj thiab ntseeg ruaj txog nws lo lus. Peb txawj qaug, tab sis Tswv Ntuj tsis txawj qaug, yog tias peb ntseeg txog nws thiab vam txog nws, mas peb yuav hla dhau txhua txoj hau kev.
