Zaj nyeem hnub tim 23 lub 4 hlis 2026
Hnub nco txog Leej Ntshiab Ntsos
Cov lus nyob hauv Zam Ntawv Moo Zoo (Z 6: 44-52)
Kwv tij sawv daws, ntawv moo zoo hnub no Huab Tais Yes Xus hais txog, cov mov pub txoj sia, uas yog Huab Tais Yes Xus lub cev thiab cov ntshav, uas nyob rau hauv lub Cim Yug. Cov mov thiab cov cawv uas txia ua Huab Tais Yes Xus lub cev thiab cov ntshav ntawd, yog peb tau txais ntawm Huab Tais Yes Xus los, uas peb txais nyob rau hauv txhua txhia thaj txi ntuj. Raws li lo lus Huab Tais Yes Xus tau hais tseg tias ; “no yog kuv lub Cev, nod yog kuv cov Ntshav, txhua txhia zaus thaum peb txais cov ncuav mov thiab cov ntshav hauv thaj txi ntuj, peb ntseeg tias, qhov ntawd yeej yog Huab Tais Yes Xus lub cev thiab cov ntshav tiag tiag, yog nws txoj kev nyiam kev hlub, uas nws xav pub rau peb, nws xav kom peb txais nws los nyob hauv peb lub cev, koom nrog nws ua ib ke nyob hauv Tswv Ntuj lub Ceeb Tsheej mus ib txhis. Qhov no thiaj yog Huab Tais txoj kev nyiam kev hlub uas loj kawg kiag.
Nyob zoo.
