Tim 23 lub 1 hlis 2026
Lub Caij Nyob Nruab Xyoos.
Kev xaiv Thwj Tim uas hais nyob hauv ntawv Moo Zoo hnub no, tsis yog hais txog ib pab neeg xwb. Tab sis nws yog hais txog txhua tus uas muaj kev ntseeg. Txhua zaus uas peb nyeem ntawv Moo Zoo, mas peb kheev kheev txhais raws li cov Txiv Plig. Tab sis peb hnov qab tias; txhua phab ntawv Moo Zoo nws yog hais txog txhua tus, tsis yog hais rau cov Txiv Plig los cov neeg cev tus kheej xwb. Vim kev hu tseeb tiag tsis yog kev hu kom ua ib yam hauj lwm twg. Nws yog kev hu hauv lub Cim Ntxuav uas ua kom peb txhua tus rais ua thwj tim. Tsis hais Txiv Plig, vaj ntxwv los yog Yaj Saub. Kuv zam dhau kev sib yuav nyob Kas Nas, vim kuv yog nkauj xwb. Zaj ntawd tsis yog cia rau cov txij nkawm xwb, tab sis yog rau txhua tus uas tau txais lub Cim Ntxuav ib yam li ntawv Moo Zoo hais hauv hnub no.
“Yes Xus nce mus saum roob thiab nws hu cov xav raws nws tuaj. Lawv tuaj cuag Yes Xus, Yes Xus thiaj tsa 12 tug Thwj Tim thiab nws xa lawv mus tshaj lub Moo Zoo. Lawv muaj lub hwj chim ntiab tau dab phem.”
