Zaj nyeem hnub tim 20 lub 2 hlis 2026
Hnub Rau tom qab hnub Txais Tshauv
Cov lus nyob hauv Mas Tais Ntawv Moo Zoo (MT 9:14-15)
Kwv tij sawv daws, thaum muaj neeg nug Huab Tais Yes Xus tias “Ua cas Zam cov thwj tim thiab co Fas Lis Xais lawv yoo mov, hos koj cov thwj tim hos tsis yoo mov li.”
Huab Tais teb rau lawv tias “Tus uas tuaj koom rooj tshoob yuav tsis muaj kev tu siab, vim muaj tus nraug vauv nrog lawv nyob, tiam sis thaum nraug vauv tsis nrog lawv nyo lawm, hnub ntawd, mas lawv thiaj yuav tub siab thiab yuav yoo mov.”
Tos cov His Xas Lais ho yoo mov, vim lawv tu lawv lub siab npaj tos txais tus Mev Xias yuav yuav tuaj cawm lawv, thiab coj lawv mus txog Tswv Ntuj lub Ceeb Tsheej. Li ntawd, tos Huab Tais Yes Xus hais li no, vim nws yog tus Mev Xias los yog Leej Pleev, yog tus cawm seej uas lawv tos ntag, nws twb tuaj txog lawm, tas lub caij nyoog uas lawv yuav yoo mov lawm.
Niaj hnub nyem no, peb ua cov kab ke yoo mov kom tau them txim txhaum, vim kev txhaum ua rau peb tig nraub qaum rau Tswv Ntuj, thiab peb xav tig rov los nrhiav Huab Tais Tswv Ntuj, kom Tswv Ntuj zam txim txhaum rau peb, zoo yam li zaj tus tub loj leeb, los yog tub phlov nyiaj, uas nyob rau hauv Huab Tais Yes Xus zaj paj lug.
