Tim 20 lub 1 hlis 2026
Lub Caij Nyob Nruab Xyoos.
Lub ntsiab ntawm cov neeg ntseeg uas peb yuav tsis txhob hnov qab, yog cov lus Yes Xus hais nyob hauv ntawv Moo Zoo hnub no:
“Ntuj tsim hnub Xas Npas Tos rau neeg, tsis yog tsim neeg rau hnub Xas Npas Tos.
Li ntawd, Neeg Leej Tub kuj yog tus tswv kav hnub Xas Npas Tos thiab.”
Peb kheev kheev muab lo lus no tig rov qab thiab muab hnub Xas Npas Tos ua qhov tseem ceeb dua neeg. Peb yuav xav txog qhov no tias ; yog txoj cai tseem ceeb dua neeg, mas kev ua neeg ntseeg yog qhov yuam kev. Li ntawd peb yuav ua li cas ?
Puas yuav rhuav tshem txoj cai thiab ua lub neej mus hnub dhau hnub ? Nws tsis yog li ntawd. Txoj kev ntseeg uas tsis muaj kev ncaj ncees ntawd xav tsis txog, tab sis kev ncaj ncees uas txhawv los ntawm lub Moo Zoo nws yog zoo li ntawd, vim nws pab kom peb txawj hu txhua yam raws li lawv lub npe, txawj cais qhov zoo ntawm qhov phem thiab tsis zwm rau kev txhaum. Vim yam uas kav peb yog lub siab ntau dua qhov peb ua.
