ZAJ NYEEM HNUB TIM 2 LUB 2 HLI 2024
HNUB NCO TXOG LEEJ NTSHIAB YUS XES NPIS US
COV LUS NYOB HAUV MAS TAIS NTAWV MOO ZOO (MT 13: 54-58)
Kwv tij Hmoob sawv daws, hnub no Huab Tais Yes Xus rov los hauv lub zos Nas Xas Les. Huab Tais Yes Xus qhia sawv daws nyob hauv lub tsev txoos, tab sis tsoom sid tsis ntseeg, mas Huab Tais Yes Xus thiaj hais ib lo lus rau lawv tias “Ib tug Yaj Saub tsuas yog nyob hauv lub zos nws hlob thiab nyob hauv nws tsev neeg, luag thiaj saib nws tsis muaj nqis.”
Cov kwv tij, txawm tias cov neeg nyob Nas Xas Les tsis ntseeg los Huab Tais Yes Xus tsis ntaus siab me, nws tawm mus tshaj lub Moo Zoo thiab ua hwj huam nyob rau lwm lub zos.
Nyob hauv peb lub neej yog zoo li ntawd. Peb ua zoo mas muaj coob tus tsis pom, lawv tseem hais lus tiv peb ntau zaus thiab; los peb txhob tag kev tso siab rau cov hauj lwm zoo peb tau ua. Vim tias peb ua zoo rau lwm tus tsis yog peb xav tau lus qhuas, tab sis peb ua zoo im peb xav ua xis Tswv Ntuj lub siab nyiam. Li ntawd, hnub no peb xav hais rau peb tsoom Hmoob tias nej kav tsij ua cov hauj lwm zoo, cov hauj lwm muaj txiaj ntsim, cov hauj lwm muaj qab hau rau luag tej ntxiv mus mog.
