Zaj nyeem hnub tim 2 lub 3 hlis 2026
Hnub Ob, Lis Piam 2 caij Plaub Caug
Cov lus nyob hauv Lus Kas Ntawv Moo Zoo (LK 6: 36-38)
Kwv tij sawv daws, ua ntej peb yuav pub tau rau luag tej, mas peb yuav tsum muaj tso, thaum peb muaj lawd, peb txhob hnov qab pub rau luag tej uas tseem tsis tau muaj.
Thaum twg kuj xij yog peb muaj peev xwm pub tau rau luag thiab peb tsis ntshaw kom luag pauj rov rau peb lawm, thaum ntawd peb kuj muaj peev xwm zam tau raug luag, tsis ntshaw ua pauj rau luag lawm thiab. Huab Tais Yes Xus txhawb peb lub siab kom peb xyaum ua tus neeg txawj pub thiab txawj zam rau luag tej. Kom peb nco ntsoov tias, yog peb tau ua dab tsi rau peb tej kwv tij phooj ywg, mas Tswv Ntuj kuj yuav ua tij yam li ntawd rau peb thiab. Li ntawd, thov kom peb tsoom ntseeg sawv daws txawj sib nyiam sib hlub mog.
Nyob zoo sawv daws.
