ZAJ NYEEM HNUB TIM 19 LUB 4 HLIS, HNUB RAU LUB LIS PIAM 3 CAIJ HLA
COV LUS NYOB HAUV ZAM NTAWV MOO ZOO (Z 6: 52-59)
Kwv tij Hmoob, peb hu lub mov mog txia ua Huab Tais Yes Xus lub cev ua ‘Cim Yug’ yog vim peb txais los yug peb txoj sia. Dua ntawd, peb tseem hu lub mov mog txias ua Huab Tais Yes Xus lub cev no tias ‘Cim Ntshiab’ thiab ‘Cim Koom Siab’.
Yam li lub Cim Yug yog lub Cim tseem ceeb tshaj plaws hauv Koom Txoos 7 lub Cim thiab yog lub Cim tuaj ntawm Huab Tais Yes Xus tuaj, thaum peb noj lub mov mog no ces yog peb tau koom ib lub siab nrog tsoom ntseeg nyob hauv Huab Tais Yes Xus raws li cov lus nej tau hnov nyob hauv cov zaj nyeem hauv lub lis piam no.
Huab Tais Yes Xus hais tias nws lub cev yog cov mov pub txoj sia, tus noj nws lub cev thiab haus nws cov ntshav mas Huab Tais Yes Xus yuav tuaj nyob hauv nws, thiab nws tau los nyob hauv Huab Tais Yes Xus lawm.
Li ntawd mas cov kwv tij, peb yuav nquag mus txais lub Cim Yug kom peb tau koom nyob hauv Huab Tais Yes Xus tas mus li thiab kom Huab Tais Yes Xus tau nkag los nyob hauv peb lub neej mog.
