ZAJ NYEEM HNUB TIM 19 LUB 12 HLIS 2025
HNUB RAU, LIS PIAM 3 CAIJ TOS HUAB TAIS
COV LUS NYOB HAUV LUS KAS NTAWV MOO ZOO (LK 1: 5-25)
Kwv tij sawv daws, peb tsoom Hmoob tau txais kev ntseeg los kuj ze ntawm 70 xyoo lawm. Lub Moo Zoo hnub no yog qhia kom peb yuav tsum ua tim khawv txog peb txoj kev ntseeg.
Tus uas tau hnov Tswv Ntuj Lo Lus thiab nws ntseeg, tus ntawd tau txoj hmoov zoo. Vim peb yuav tau txais Tswv Ntuj cov txij ntsim nyob rau hauv peb txoj kev ntseeg thiab tso siab rau Ntuj.
Nyob rau hauv zaj no, mas Ntxas Nkas Lias ua ib txoj kev qhia peb tias, Tswv Ntuj tuaj ntsib peb thiab coj peb kev nyob rau hauv peb lub neej thiab peb tej hauj lwm. Muaj qee zaus peb kuj tsis to taub, tiam sis, peb yuav tsum muaj txoj kev ntseeg thiab tso siab rau Tswv Ntuj mus li. Peb tsis txhob ua xyem xyav txog peb txoj kev ntseeg, zoo yam li tus tsis muaj kev tso siab rau Ntuj. Yog vim Ntxas Nkas Kias tsis ntseeg Tswv Ntuj tus Tshiab cov lus, mas nws tus nplaig thiaj txhav hais tsis taus lus mus txog ntua hnub Zam Ntxuav Plig yug los.
Yog peb tsis ntseeg mas peb yuav tsis muaj peev xwm tshaj Tswv Ntuj cov lus rau luag lws tus. Yog li ntawd, peb yuav tsum muaj lub siab ntseeg ua ntej, mas peb thiaj yuav coj tau lub neej raws li lub Moo Zoo.
