ZAJ NYEEM HNUB TIM 18 LUB 4 HLIS, HNUB TSIB LUB LIS PIAM 3 CAIJ HLA
COV LUS NYOB HAUV ZAM NTAWV MOO ZOO (Z 6: 44-51)
Cov kwv tij, Huab Tais Yes Xus hais tias “Cov mov uas kuv yuav muab pub rau lub qab ntuj neeg noj kom lawv muaj txoj sia, yog kuv lub cev nqaij.”
Thaum Huab Tais Yes Xus hais li no mas nws cov thwj tim tsis to taub, tab sis nyob hauv hmo lawv yuav tuaj ntes Huab Tais Yes Xus, mas Huab Tais Yes Xus thiaj tsa lub Cim Yug thiab hais tias qhov ntawd yog nws lub cev raug puas kom tau cawm lawv, ces thaum Huab Tais Yes Xus tuag tas, lawv thiaj to taub tias lub cev nqaij lawv yuav noj kom muaj txoj sia mas tsis yog Huab Tais Yes Xus lub cev nqaij neeg, tiam sis yog lub cev nqaij hauv lub ncuav mov; yog lub Cim Yug.
Kwv tij Hmoob, niaj hnub no peb thiaj yuav tsum tau mus koom lub txoos txi Ntuj, peb thiaj yuav tau txais Yes Xus lub Cev thiab Yes Xus lo lus, los yog peb txoj sia hauv sab ntsuj plig, mas peb txoj kev ntseeg thiaj yuav loj thiab txi txiv tau.
Thaum peb txoj kev ntseeg loj thiab txi txiv lawd, peb thiaj yuav tau muaj txoj sia nyob mus li mog.
