ZAJ NYEEM HNUB TIM 17 LUB 4 HLIS, HNUB PLAUB LUB LIS PIAM 3 CAIJ HLA
COV LUS NYOB HAUV ZAM NTAWV MOO ZOO (Z 6: 35-40)
Kwv tij Hmoob, niaj hnub peb yuav tsum noj mov, peb lub cev thiaj tsis qaug zog, peb yuav tawm mus dhia los yog qoj cev, peb lub zog thiaj tsis ntaug. Peb nrhiav ntau yam los tu lub cev kom txhob txoom, kom zoo nkauj ntxim saib mus li. Tab sis peb puas nco qab tu peb tus plig thiab peb txoj sia?
Ib txhia nrhiav tshuaj noj kom txhob laus, tab sis lawv cawm lawv txoj sia kom txhob ploj puas tau.
Ib txhia nrhiav txhiam xws noj kom muaj zog, tab sis lawv tus plig puas nrog lawv lub cev muaj zog tuaj?
Yam zoo tshaj rau neeg txoj sia thiab tus plig, kawg yog Huab Tais Yes Xus xwb, raws li Huab Tais Yes Xus cov lus peb tau hnov hauv hnub no tias “Kuv yog cov mov muaj txoj sia, tus tuaj cuag kuv, nws yuav tsis tshaib. Tus ntseeg txog kov, nws yuav tsis nqhis, nws yuav muaj txoj sia mus li thiab hnub kawg nws yuav sawv rov los.”
Yog li mas niaj hnub peb yuav nrhiav Huab Tais Yes Xus thiab khaws Huab Tais Yes Xus lo lus mus yug peb txoj sia thiab tus plig kom peb txoj sia rov muaj zog tuaj, kom peb tus plig tau kev cawm.
