Zaj nyeem hnub tim 17 lub 1 hlis 2026
Hnub nco txog Leej Ntshiab Tuam
Cov lus nyob hauv Mas Kos Ntawv Moo Zoo (MK 2: 13-17)
Kwv tij sawv daws, Huab Tais Yes Xus tuaj ntxuav cov neeg txhaum thiab kho cov neeg mob thiab hloov neeg lub siab. Hnub no ntawv Moo Zoo hais txog Les Vis uas yog tus neeg sau se, luag hais tias, nws yog ib tug neeg txhaum, yog ib tug uas tsis ntshiab huv Tswv Ntuj tsis foom koob hmoov rau.
Hnub no Huab Tais Yes Xus hu nws kom los ua Yes Xus thwj tim, Huab Tais pub txoj kev cawm neeg tuaj txog peb txhua leej txhua tus neeg, tsis hais tus neeg zoo los tus neeg txhaum, kom sawv daws tau txais kev cawm ib yam nkaus, kom tau los fim nrog Tswv Ntuj thiab koom nyob hauv Tswv Ntuj. Huab Tais Yes Xus kuj tau hu peb sawv daws thiab nws zoo siab kho peb sawv daws, kom peb hloov peb lub neej rov los ua Tswv Ntuj cov me nyuam ib zaug ntxiv.
