ZAJ NYEEM HNUB TIM 16 LUB 4 HLIS, HNUB PEB LUB LIS PIAM 3 CAIJ HLA
COV LUS NYOB HAUV ZAM NTAWV MOO ZOO (ZM 6: 30-35)
Kwv tij Hmoob, hnub no peb hnov Huab Tais Yes Xus hais tias “Kuv yog cov mov muaj txoj sia. Tus tuaj cuag kuv, nws yuav tsis tshaib; tus ntseeg txog kuv, nws yuav tsis nqhis.”
Huab Tais Yes Xus lo lus no yog ib lo lus hais txog lub Cim Yug uas niaj hnub no peb txais nyob hauv lub Txoos Txi Ntuj. Peb ntseeg tias lub ncuav mov mog peb niaj hnub txais no yog Huab Tais Yes Xus lub Cev thiab cov Ntshav. Li ntawd, niaj hnub peb txais lub Cim Yug thiaj yog peb txais Huab Tais Yes Xus lub Cev thiab cov Ntshav los yug peb txoj sia hauv sab ntsuj plig, ces peb tus plig thiaj yuav tsis tshaib.
Kwv tij Hmoob, yav tas los cov His Xas Lais noj cov mov Mas Nas poob saum ntuj los, mas lawv thiaj tsis tshaib, niaj hnub no peb kuj nrhiav zaub mov noj kom lub cev txhob tshaib thiab. Tab sis niaj lis piam peb yuav nco mus noj Huab Tais Yes Xus lub Cev hauv lub Cim Yug thiab mog.
