ZAJ NYEEM HNUB TIM 16 LUB 10 HLI 2025
HNUB NCO TXOG LEEJ NTSHIAB MAS KAS LIS TAS AS LAS NKOS
COV LUS NYOB HAUV LUS KAS NTAWV MOO ZOO (LK 11: 47-54)
Kwv tij sawv daws, Huab Tais Yes Xus tuaj coj peb sawv daws neeg mus rau hauv Tswv Ntuj lub Ceeb Tsheej. Huab Tais caw peb sawv daws kom npaj siab zoo li Zam Ntxuav Plig uas nws tau npaj zeej tsoom His Xas Lais siab, nws ua cov kab ke ntxuav npaj tos Leej Pleev yuav tuaj. Li ntawd, lub ntsiab nyob rau hauv zaj no yog qhia kom peb tig los yuav lub siab tshiab, peb hloov los ua zoo, peb yuav tsum ua peb lub siab tiaj tus, peb yuav tsum lees peb tus kheej, peb yuav hloov peb tus kheej los coj dua ib lub neej tshiab, yog lub neej taug Tswv Ntuj txoj kev. Peb tsis txhob ua ib co neeg siab tawv siab txhav, uas tsis lees txais dab tsi, thiab tsis lees ua qhov zoo, txawm peb ua tsis tau zoo tsis kav, peb txhob thaiv cov neeg xav ua zoo kev, vim muaj ib txhia neeg, nws tsis kam coj li Yes Xus lub Moo Zoo qhia, nws tseem txwv tsis pub kom lwm tus coj kom coj zoo dua nws. Muaj qees leej nws tsis ntseeg Yes Xus nws tseem txwv tsis pub lwm tus ntseeg. Cov neeg zoo li mas Huab Tais hais tias lawv tau txoj hmoov phem.
Nyob zoo sawv daws.
