Zaj nyeem hnub tim 16 lub 1 hlis 2026
Hnub Rau Lis Piam 1 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 2: 1-12)
Kwv tij sawv daws, txoj kev ntseeg ua rau peb muaj peev xwm hla dhau ib puas tsav yam teeb meem nyob rau hauv peb lub neej tau yog peb muaj txoj kev ntseeg ruaj khov tiag tiag, zoo yam li 4 tus neeg uas kwv tus neeg tuag tes tuag taw tuaj rau Huab Tais kho. Nyob rau hauv ntawv Moo Zoo ua rau peb pom tias, lawv tsis muaj kev uas tau ntsib Huab Tais Yes Xus li, vim neeg sib txiv qiv tuaj mus ntsaug Huab Tais. Tab sis, lawv muaj kev ntseeg tias, tsuas yog lawv tau tso tus mob rau ntawm Huab Tais xub ntiag, Huab Tais yuav muaj peev xwm kho tau tus neeg mob ntawd kom zoo hlo tau. Qhov kawg lawv nrhiav txhua txoj hau kev, ces lawv thiaj poj txoj hau kev uas yuav coj tus mob tuaj cuag tau Huab Tais Yes Xus. thaum Huab Tais Yes Xus pom txog lawv txoj kev ntseeg no, ces Huab Tais thiaj hais khuv leej lawv thiab pub raws li lawv txoj kev ntshaw.
Cov xwm nyob rau hauv hnub no, yog qhia kom peb yuav tsum kub siab nrhiav Tswv Ntuj tas mus li, kom xwv peb tau txais kev daws peb cov txhaum, vim Huab Tais yog peb tus Huab Tais siab zoo thiab muaj hwj huam tas nrho. Nws muaj peev xwm cawm tau peb, tsis hais qhov teeb meem hlob los yau, yog peb tso siab rau nws, ces nws yuav nrog peb daws.
