Zaj nyeem hnub tim 13 lub 1 hlis 2026
Nco txog Leej Ntshiab His Las Yus
Cov lus nyob hauv Mas Kos Ntawv Moo Zoo (MK 1:21-28)
Kwv tij sawv daws, lub Moo Zoo hnub no qhia txog Huab Tais Yes Xus lub siab hlub neeg uas zoo li Tswv Ntuj lub, tsis yog zoo li neeg lub. Huab Tais txoj kev nyiam kev hlub, yog qhia kom peb tawm peb tus kheej, peb tso peb lub qub siab tseg, peb tig los yuav lub siab tshiab, peb tig los nyiam zoo thiab ua zoo, peb tsis txhob xav txog peb tus kheej ntxiv, peb yuav xyaum hlub luag lwm tus, yuav xyaum pab luag, peb yuav tsum xav tias, peb tsis yog ua los txawm rau peb tus kheej, los txawm rau peb lub cev nqaij lawm, tiam sis, qhov peb ua yog vim peb xav cawm luag lwm tus, vim peb yog Tswv Ntuj cov tub teg tub taw uas ua Tswv Ntuj txoj hauj lwm cawm ntiaj teb neeg, peb coj lub neej nyob hauv Tswv Ntuj txoj kev nyiam kev hlub, ces peb yuav tawg taug paj txi taus txiv nyob rau hauv Tswv Ntuj cov lus qhia, vim Tswv Ntuj tau xaiv peb, thiab pub txiaj ntsim rau peb, qhov peb yuav ua tau ntau thiab tau tsawg nyob rau ntawm Tswv Ntuj lub siab nyiam.
