ZAJ NYEEM HNUB TIM 1 LUB 11 HLI 2025
HNUB XYA LIS PIAM 30 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 14: 1, 7-11)
Kwv tij sawv daws, txhua lo lus uas peb tau tshaj, txhua txhia yam uas peb tau ua, txhua txoj kev uas peb tau taug, yog peb ua los ntawm peb txoj kev ntseeg, yog peb cia Huab Tais ua tus coj peb kev, peb taug mus hauv txoj kev ncaj, nyob rau hauv Tswv Ntuj lub txiaj ntsha txiaj ntsim, nyob rau hauv qhov pom kev, nyob rau hauv zaj no, Huab Tais Yes Xus qhia kom peb txhob ua neeg muab hlob, txhob khav theeb, txhob ua neeg tsab ntse, peb yuav tsum tshem txoj kev ua neeg muab hlob, khav theeb tawm hauv peb lub siab mus, peb yuav kho peb lub siab kom peb muaj ib lub siab muag, txawj nkag siab luag, txawj zam rau luag thiab txawj hlub luag, tsis muab hlob tsis khav theeb, vim Huab Tais Yes Xus hais tias : tus uas nws tsa nws siab ntuj yuav txo nws qis, hos tus uas nws ua neeg me neeg qis Ntuj yuav tsa kom nws nyob siab. Li ntawd, thov kom peb tsoom ntseeg sawv daws, yuav tsum nco ntsoov Huab Tais cov lus qhia no.
Nyob zoo sawv daws.
