Vaj Qhia Fas Ntshis Kus hais tias : “Kuv qaug rau Tis Mos sab hnub tuaj txoj kev nyiam kev hlub.”

Vaj Qhia Fas Ntshis Kus hais tias : “Kuv qaug rau Tis Mos sab hnub tuaj txoj kev nyiam kev hlub.”

Vaj Qhia Fas Ntshis Kus nco txog nws txoj kev tuaj mus tsham As Xias toob fab naj thiab Os Tses Nias nyob hauv 2 lub lis piam. Vaj Qhia qhuas txog Tis Mos sab  hnub tuaj tias : “Kuv qaug rau Tis Mos sab hnub tuaj txoj kev nyiam kev hlub.” Cov lus no Vaj Qhia hais thaum nws tab tom caij dav hlau nyob hauv hnub tim 13 lub 9 hlis no.

Vaj Qhia hlub txog lub teb chaws me me uas tsoom pej xeem feem coob yog cov neeg ntseeg. Tis Mos sab hnub tuaj nyuam qhuav tau txais kev tso cai ua ib lub teb chaws rau xyoo 2002. Lub dav hlau Vaj Qhia ntiav caij yog Singapor Airline.

Vaj Qhia mus tsham Tis Mos sab hnub tuaj rau hnub tim 9 txog hnub tim 11 lub 9 hlis no. Vaj Qhia mus tsham Pas Puas teb yog hnub tim 6 txog hnub tim 9 lub 9 hlis, thiab tsham Xees Cas Pos teb hnub tim 11 txog hnub tim 13 lub 9 hlis.

Lub thaj txi Ntuj nyob Tis Mos sab hnub tuaj, muaj neeg tuaj koom li ntawm 600,000 leej. Cov pej xeem Tis Mos sab hnub tuaj 98 feem pua yog cov neeg ntseeg Kav Tos Liv. Tas tsoom pej xeem tuaj sib sau ua tim khawv txog lub thaj txi Ntuj zaum no ua liv xwm. Tis Mos sab hnub tuaj 2 feem pua ntawm tas tsoom pej xeem 1 plhom 500 tawm txhiab leej yog teev hawm Plos Tes Taas thiab Islam. Yog ob txoj kev teev hawm uas tseem hwv Tis Mos lees tias raug cai thiab tso cai rau tsoom pej xeem teev hawm. Vaj Qhia txaus siab rau tsoom pej xeem uas lawv ntseeg Kav Tos Liv thiab loj hlob sai. Vaj Qhia hais tias : yog liv xwm hauv lub neej nyob hauv lub teb chaws.

Nws hais tias cov teb chaws nplua nuj xws li Xees Cas Pos teb, tsim nyog yuav xyaum ua raws li lub teb chaws me me no. Vaj Qhia hais tias cov me nyuam yog lub neej yav tom ntej txoj kev vam meej.