Tsis txhob ntshai (Be Not Afraid)
Kev thaj yeeb thov kom muaj nyob hauv nej !
Cov phooj ywg sawv daws ! Zaj nyeem hnub no yog ib zaj zoo kawg, thiab yog zaj hais txog qee yam uas yog qhov nruab nrab nyob hauv lub neej fab ntsuj plig. Qhov kuv hais yog kev ntshai. Kev ntshai yog hais txog dab tsi ?
Ntau xyoo dhau los kuv kheev kheev ntsib lo lus nug no. Koj xav tau dab tsi, thiab koj ntshai dab tsi ? Lo lus teb nyob hauv 2 lo lus nug no, yog qhov peb tsim nyog yuav paub hais txog fab ntsuj plig. Peb yuav los saib nyob hauv zaj hnub no peb nyeem nqe ib, yog nyob hauv ntawv Yes Les Mias.
Nyob hauv Ntawv Cog Lus Qub puas muaj leej twg tseem ceeb tshaj Yes Les Mias, tus uas tau txais cov hauj lwm txaus ntshai li no ? Nws raug hu kom ua yaj saub thiab cov lus nws hais rau haiv His Xas Lais, yog cov lus phem thiab yog cov lus Tswv Ntuj hais rau nws tias :
“Tsis muaj leej twg yuav mloog koj, thiab lawv yuav muaj kev sib ntxub.”
Qhov ntawd yog qhov tshwm sim rau Yes Les Mias.
Li ntawd, tam sim no peb hnov nws hais tias : “Peb tau hnov ntau leej lub suab ntxhi, kev ntshai nyob ib puag ncig peb. Peb rau txim rau lawv mas ! Tas sawv daws uas yog kuv cov phooj ywg, kuj pom kuv cov txhaum”.
Nov yog ib tug yaj saub nyob nruab nrab hauv kev ntshai thiab tag kev cia siab. Kuv raug xa tuaj kom tau tshaj lo lus no. Kuv tshaj lawm, yuav muaj dab tsi tshwm sim ? Sawv daws ntxub kuv. Txhua yam kev ntshai, yog sawv daws tab tom rau txim rau kuv. Peb coob leej tau ntsib lub neej zoo li no puas yog ? Muaj ntau zaus peb xav tias txhua yam tsis yog lawm, tas peb cov kev ntshai tau qhia rau peb paub. Peb tej kev ntshai coj peb mus rau kev piam sij. Tab sis nyem no peb yuav mloog Yes Les Mias hais ntxiv mus tias : “Tswv Ntuj nrog kuv nyob, nws zoo li ib tug thawj tub rog. Cov iab hiam kuv lawv yuav ntog, lawv tsis muaj hnub yuav yeej”.
Nyob nruab nrab ntawm kev ntshai, ua rau nws tau ntsib kev kaj siab dua qub. Yog lawm, kev ntshai nyob ib puag ncig thiab txhua tus neeg tawm tsam kuv. Tab sis nyob hauv lub sij hawm kuv raug tej ntawd, kuv tau ntsib kev thaj yeeb nyab xeeb, vim Tswv Ntuj yog tus ua kom kuv yeej.
Nco ntsoov tias qhov uas Tswv Ntuj yeej, tsis tau txhais tias kev ntshai yuav ploj mus. Thaum muaj Tswv Ntuj nyob ntawm kuv ib sab, mas kuv tsis ntshai dab tsi li, tsis muaj leej twg yuav muab txim rau kuv. Ces kuv yuav ua txhua yam tiav nyob hauv ntiaj teb no. Tsis yog li hais ntawd, Yes Les Mias ntsib kev piam sij ib sim neej thiab nws tuag nyob hauv kev piam sij. Nws tuag nrog cov neeg muab txim rau nws. Nyob hauv cov xwm txheej no, nws paub tias kev thaj yeeb yog tuaj ntawm Tswv Ntuj tuaj.
Thov xav txog daim duab lub tuam tsev loj siab ntawm Leej Ntshiab Tes Les Xas As Vis Las. Kev muaj tej lub tuam tsev loj siab ua kom muaj teeb meem. Koj yuav tsis txhim tej lub tuam tsev uas muaj phab ntsa thaiv thiab cia cov yeeb ncuab nyob sab nraud, tshwj zias koj raug kev kub ntxhov vis tas txhua fab. Tab txawm muaj kev phom sij thaum muaj xwm txheej, tsis kav muaj lub tuam tsev no yog qhov chaw nyob nyab xeeb thiab kaj siab lug. Qhov ntawd yog qhov uas ib zeej tsoom neeg tau pom. Tam sim no peb nco txog zaj ntawd lawm, peb los saib nyob hauv Ntawv Ntshiab uas yog kev sib pub. Peb muaj lub hwj chim yuav luag zoo ib yam. Yes Xus hais rau nws 12 tug Thwj Tim tias : “Nej txhob ntshai”. Lo lus no puas yog hais txog kev tua neeg ?
Yes Xus hais tias : “Nej txhob ntshai leej twg li”, thiab Yes Xus hais ntxiv tias :
“Nej txhob ntshai cov yuav tuaj tua nej lub cev, tab sis lawv tua tsis tau nej tus ntsuj plig”. Tam sim no peb pom lawm tias yog peb hais li no, yog hais txog txhob ntshai tus tsov uas nws tom koj lub cev tau, tab sis nws tom tsis tau koj tus ntsuj plig.
Dab tsi yog ntsuj plig ? Yuav hais tau tias yog qhov tob tshaj plaws thiab yog qhov nruab nrab nyob hauv peb txuas nrog Tswv Ntuj. Yog lawm, kev ntshai nyob ib ncig kuv thiab muaj yeeb ncuab nyob ncig kuv. Kuv muaj kev piam sij, muaj kev ntshai thiab kev txhawj xeeb nyob ib ncig kuv. Kuv txuas nrog lub zog uas kuv muaj nyob hauv fab ntuj plig tam sim no, yog qhov tob nyob hauv kuv, kuv tab tom nyob nrog tej yam nyob siab dua cov huab thiab lub caij nyoog. Yog yam uas nyob siab dua txha yam nyob ntiaj teb no, yam uas ua kom kuv lub siab ntshai nyob ib puag ncig kuv.
Txhob ntshai tus yuav tuaj ua phem rau koj lub cev, tab sis nws tsis tuaj yeem chwv tau qhov tob tob nyob hauv koj.
Sim xav seb koj ntshai dab tsi ? Koj puas yog ntshai tus yeeb ncuab nyob ib ncig koj, koj puas yog ntshai kev piam sij, koj puas yog ntshai tsam koj ua tsis tau raws li koj tus npau suav ?
Koj ntshai yam uas luag hais txog koj uas yog tus tsov. Txhob ntshai tus yuav tuaj tsim txom koj lub cev. Koj yuav nco ntsoov Tswv Ntuj lo lus hais tias : “Tsis yog kev tsim txom koj lub cev, tab sis yog leej twg tuaj yeem tua tau koj lub cev”.
Kuv muaj cov yeeb ncuab zoo li no, kuv muaj cov hem kuv coob kawg, lawv xav tua kom kuv tuag. Yog ! Kuv paub ! Tswv Ntuj hais tias : “Txhob ntshai lawv kiag”.
Ua cas nej tsis tuaj yeem yuav nkag mus txog qhov tob tob hauv fab ntsuj plig uas nyob mus li hauv nej. Puas nco kuv lo lus nug lawm tias :
“Yam uas koj ntshai yog dab tsi ?” Piv xam li koj raws Tswv Ntuj thiab koj hais tias : “Kuv tsis ntshai cov niag tsov ntawd, uas nws tsuas tua tau kuv lub cev xwb”. Koj yuav mloog Tswv Ntuj lo lus tam sim no. “Koj yuav ntshai tus neeg tua tau koj lub cev thiab fab ntsuj plig nyob hauv hluav taws.”
Tam sim no peb nkag mus rau qhov tseeb tiag lawm, peb txhob ntshai lwm tus.
Kev ntshai muaj nyob txhua fab, kuv paub qhov lawv yuav ua tau yog tsim txom koj lub cev. Koj yuav tsis txhob ntshai cov neeg ntawd. Koj yuav ntshai cov uas lawv tau tau koj tus ntsuj plig nyob hauv hluav taws. Koj yuav ntshai Tswv Ntuj nyob hauv koj nruab siab. Vim ntshai tsam koj tus ntsuj plig yuav plam txoj kev nrog Tswv Ntuj sib txuas lus thiab yuav rais los ua ib tug neeg tiv Tswv Ntuj.
Lub txim ntawm kev tua neeg, nws yuav cais yus tawm ntawm Tswv Ntuj. Li ntawd, koj yuav ntshai tej yam no. Ntshai tus Tswv Ntuj uas tua tau koj lub cev thiab koj tus ntsuj plig. Koj puas pom tias sawv daws muaj kev ntshai dab tsi ? Koj yuav hais ua ntu zus txog peb txoj kev ntshai. Dab tsi uas koj ntshai tshaj plaws ?
Txhua yam hauv lub ntiaj teb no nws tsim txom koj tau. Tab sis tsis muaj ib yam dab tsi yuav piv tau qhov koj txuas nrog Tswv Ntuj. Yog tias koj tus ntsuj plig tuag vim kev txhaum thiab kev hnov qab Tswv Ntuj, kev ntxub Tswv Ntuj, nws puas zoo dab tsi ?
Yog koj tus ntsuj plig tuag lawm, txhais tias koj yuav hnyav siab heev.
Thov koj xav txog 2-3 nqe lus no.
Koj yuav nco txog Carole Wojtyla thaum nws tseem yau. Tus me nyuam uas loj hlob los thiab nws yog Vaj Qhia Zam Paj Lug Ob. Nws tau ntsib tej yam phem tshaj plaws nyob ntiaj teb no.
Thaum nws tseem yog me nyuam yaus, cov Nas Ntxis tuaj ntaus rog nyob hauv nws lub teb chaws. Yog nyob hauv lub zos nws yug los. Cov Nas Ntxis tua neeg tuag ntau txhiab leej thiab tua tsoom pej xeem nyob Pos Kas. Lawv yuam nws thiab nws cov phooj ywg mus nyob hauv qab npoo av Auschwitz uas nyob nrug deb ntawm qhov chaw Zam Paj Lug Ob mus kawm ntawv tsis pes tsawg mile.
Tom qab ntawd, lawv kuj ua txhua yam tiav los ntawm cov koom tshaj. Qhov no tej zaum yuav yog ib qho kev txhim kho me ntsis ntawm cov Nas Ntxis, tab sis kuj tsis ntau pes tsawg. Nov yog tus neeg uas tau ntsib tej yam phem tshaj plaws tham rau cov tub rog. Zam Paj Lug Ob paub txog zaj no zoo, tab sis thaum nws tau ua Vaj Qhia lawm, nws puas yuav hais tau li cas ?
Nws hais Yes Xus cov lus nyob hauv Ntawv Moo Zoo tias : “Txhob ntshai leej twg li”.
Nws pom tas txhua yam kev phem qias neeg ntawm tib neeg, ces thov peb txhob hais tias Zam Paj Lug Ob tsis paub dab tsi txog tib neeg txoj kev phem.
Nws thiaj yog tus tau pom thiab tau ntsib kiag ntawm lub qhov muag. Txawm li ntawd kuj xij, nws paub txog kev thaj yeeb nyab xeeb uas nyob hauv fab ntsuj plig. Qhov ntawd yog lub chaw nyob ntawm txhua txoj kev ntshai. Ces peb yuav hais tias : txij Yes Les Mias los txog Zam Paj Lug Ob, qhov koj ntshai yog dab tsi ?
Yog ntshai tus uas tsim txom koj lub cev, los ntshai Tswv Ntuj ? Koj puas tau txuag txoj kev sib fim nrog Tswv Ntuj hauv fab ntsuj plig ntawm koj ? Qhov kawg no, thov qhia rau nej sawv daws paub tias ; txhua yam uas tau hais los saum no, puav leej tseem ceeb thiab txaus ntshai kawg.
Thov Tswv Ntuj foom hmoov zoo pub rau nej !
