Peb tau txais kev cawm, yog los ntawm kev ntseeg (Faith alone saves us).
Hnub no kuv yuav maj zeeg mus rau ntawm ntug dej uas muaj cua daj cua dub, saib seb nws yog dab tsi tiag ? Thiab dab tsi yog qhov tseem ceeb ntawm cov Plos Tes Taas. Kev sib tawg ntawm cov Plos Tes Taas thiab cov Kav Tos Liv yog los ntawm txoj kev ntseeg thiab cov hauj lwm, los yog los ntawm kev ntseeg thiab txoj cai. Tau txais kev qhuab qhia los ntawm peb txoj kev nyeem zaum 2, kuv tsis yog hais mus kis txog Los Mas. Peb tau nyeem zaj no nyob hauv ntau lub lis piam tag los, nws tsuas yog Paj Lug cov lus tshaj tawm ntawm nws txoj kev ntseeg. Paj Lug yog thawj tus kws kev ntseeg ntawm lub Koom Txoos, nws hais txog lo lus loj tshaj ntawm txoj kev ntseeg. Nyob hauv qhov kawg hauv tsab ntawv, peb nyob hauv Los Mas zaj 13 thiab yog qhov nws hais : “Kwv tij sawv daws ! Peb tsis tshuav leej twg nuj nqis. Dhau ntawm peb txoj kev nyiam kev hlub, vim tus nyiam thiab hlub luag tej nws tau ua raws txoj cai lawm.”
Tam sim no peb tig rov mus saib qhov pib ntawm cov Plos Tes Taas, thaum Lus Thes hais tias nws nrhiav pom nyob hauv Paj Lug thiab hauv txhua phau ntawv, xws li Los Mas, Nkas Las Tias, Es Fes Xos thiab lwm tus saib zoo li peb tau txais kev nyiam los yog tau txais kev cawm. Tsis yog los ntawm txoj cai, tab sis yog los ntawm kev ntseeg.
Li ntawd, Lus Thes thiaj hais tias : “Los ntawm lub txiaj ntsim hauv kev ntseeg.”
Thiab nws ua rau txoj kev ntseeg muaj zog tuaj, nws hais tias :
“Gratia Zola Zola ncaj ncees.”
Tib lub txiaj ntsim tib txoj kev ntseeg xwb uas peb tau txais yog kev cawm, tsis yog kev ua raws txoj cai. Vim li cas nyob hauv qhov kawg tsab ntawv Los Mas, Paj Lug ib leeg thiaj hais tias thaum pib tsab ntawv Los Mas, hais txog kev hlub yog ua raws txoj cai ? Kuv tab tom rov mus rau ntawm ntug dej uas muaj cua daj cua dub dua ib zaug ntxiv, vim peb sib cav txog zaj no los tau 500 xyoo, kuv tsis xav tias nyob hauv 12 fiab kuv yuav daws tau cov teeb meem no. Tab sis kuv thov hais meej meej raws li kuv yog ib tug kws ntawv Ntshiab Kav Tos Liv. Peb tuaj yeem pom cov lus ntawd nyob hauv Paj Lug, zoo li qhia peb tias peb yog neeg ncaj nees los ntawm kev ntseeg thiab tib lub txiaj ntsim, tsis yog los ntawm kev coj tus yam ntxwv. Txawm li cas kuj xij, nyob hauv Leej Ntshiab Paj Lug peb niaj hnub pom cov lus no.
“Yog koj muaj kev ntseeg txaus, koj yuav tshem lub hauv roob kuj tau. Tab sis yog koj tsis muaj kev nyiam kev hlub, koj kuj tsis muaj dab tsi kiag li.”
Kuv tsis paub ntawm koj, tab sis ntawm kuv, zoo li kuv tsis yog neeg ncaj ncees los ntawm kev ntseeg. Paj Lug hu nkauj cav txog txoj kev ntseeg, tab sis kuv muaj kev ntseeg txaus uas yuav tshem lub hauv roob tau, yog kuv tsis muaj kev nyiam kev hlub, kuv kuj tsis muaj dab tsi kiag. Paj Lug hais txog kev ua hauj lwm kom peb dim, los ntawm kev ntshai thiab tshee. Koj yuav xav tias nov yog ua raws li cov Plos Tes Taas, tab sis yog koj raug zeem tias ncaj ncees los ntawm kev ntseeg, koj yuav lees txais Tswv Ntuj ua tus cawm koj dim, koj yuav ua dab tsi thiab vim li cas koj thiaj ua li ntawd nyob hauv txoj kev ntshai thiab tshee ? Koj ntseeg tias koj tau txais kev cawm lawm lod ? Koj sim xav nyob hauv Mas Tais cov lus zaj 25 seb, koj tawm ntawm Leej Ntshiab Paj Lug mus, thaum tus txiav txim cais cov tshis thiab cov yaj, tsis yog tias qee tus muaj kev ntseeg thiab lwm tus tsis muaj kev ntseeg. Tab sis yog qhov koj ua rau kuv cov kwv tij tsawg tshaj plaws, koj ua rau kuv. Muaj qee yam kev nyiam loj dua kev ntseeg, nyob hauv kuv tsis yog qhov chaw rhuav tshem Paj Lug cov lus uas hais tias kev ntseeg yog qhov loj tshaj. Muaj qee yam kuv xav li no : peb muaj kev ncaj ncees tshaj qhov peb ua raws txoj cai. Txoj cai Paj Lug hais yog hais txog dab tsi ne ?
Paj Lug yog neeg His Xas Lais, nws tau kawm His Xas Lais cov kev cai. Nws raug cob qhia ntawm Gamaliel ko taw, nws paub txhua yam kev nyuab hais txog His Xas Lais txoj cai. Nws paub txhua yam kev pe hawm nyob hauv tsev teev Ntuj. Yam uas Aquinas hu ua kab ke thiab kev lij choj ntawm txoj cai, sim xav txog kev cev cov txim hauv tsev teev Ntuj ntawm cov yaj saub, kev noj txhiam xws thiab txhua yam uas cov His Xas Lais teeb tseg xws li tsoos tsho, txhiam xws noj thiab kev teev hawm lwm yam.
Tam sim no peb nyeem Paj Lug tsab ntawv uas nws sau rau cov Hes Nplaws, zoo li Paj Lug nkag siab tias peb tau txais kev cawm, vim yog kev ua zoo li ntawd. Tab sis txoj cai ntawm cov His Xas Lais ned ? Aquinas hais raws Kav Tos Liv tej kab lis kev cai, txoj cai ncaj ncees uas qhia rau cov His Xas Lais tseem nyob thiab nws muaj feem cuam txog peb txoj kev cawm tiag. Peb rov los saib nyob hauv Paj Lug, nws hais ntxiv mus tias : “Txoj cai yog koj tsis txhob zes luag poj luag sev, txhob tua neeg, txhob ua tub sab tub nyiag, txhob ntshaw ub ntshaw no.” Tseem muaj lwm txoj cai hais tias :
“Koj yuav nyiam luag tej ib yam li koj nyiam koj.”
Paj Lug tsis tau hais txog cov cim hauv cov kab ke, txhiam xws noj thiab cov His Xas Lais txoj cai thaum ub. Peb paub tias tej kev ntawd tsis cuam tshuam txog peb txoj kev cawm tam sim no. Tab sis nws tab tom hais txog txoj cai ncaj ncees, yog txoj cai uas tseem nyob ntawm qhov chaw. Tas txhua txoj cai no muaj nyob hauv Tswv Ntuj 10 lo lus qhia uas yog cov lus loj tshaj. Peb rov los saib nyob hauv Paj Lug cov tsab ntawv, muaj ib nqe uas lub Koom Txoos Kav Tos Liv zeem tseeb tias : qhov tseeb tiag Paj Lug tsis tau hais tias nws yog neeg ncaj ncees los ntawm kev ntseeg. Koj yuav nrhiav nyob hauv Yas Kos cov tsab ntawv, koj yuav pom meej tias nws raug thuam. Yog li qhov tseeb tiag Paj Lug hais txog dab tsi ?
Nws hais tias qhov tseem ceeb ntawm txoj kev ntseeg, yog ua los ntawm kev nyiam kev hlub. Kev ntseeg yuav tsum ua tawm los ntawm txoj kev nyiam kev hlub tiag tiag. Tej zaum cov Plos Tes Taas yuav hais tias : “Saib seb”, koj tsis txuag qee yam ntawm txoj cai Pelagianism, yog peb cov hauj lwm uas pom meej tias peb muaj peev xwm thiab peb tau txais kev cawm.
Tsis yog, tsis muaj lwm txoj kev cawm loj tshaj Yes Xus. Kuv tsis tuaj yeem yuav nkag mus txog Yes Xus txoj kev hlub, tab sis Yes Xus txoj kev hlub nyob saum ntoo cuam thiab nws txoj kev sawv rov los yog lub txiaj ntsim thiab qhov paj tshab uas pub dawb rau kuv. Vim li ntawd, tsis muaj ib tug Kav Tos Liv yuav hais tias kuv yog neeg ncaj ncees, yog dhau ntawm txoj kev ntseeg lawm. Kev ntseeg yog tus cag ntawm txhua txoj kev ncaj ncees. Kuv tsis tuaj yeem ua neeg ncaj ncees tau, tsuas muaj Yes Xus tib leeg xwb. Kuv qhib qhov rooj txais Yes Xus nkag los hauv kuv lub neej, vim kev ntseeg.
Ces zoo li Yes Xus nrog kuv nyob thiab nws tsis nyob sab nraud lawm.
Paj Lug hais tias : “Tsis yog kuv muaj txoj sia nyob, tab sis yog Yes Xus nyob hauv kuv.” Nws muaj tus yam ntxwv zoo li cas ? Kev nyiam kev hlub, qhia kom pom tias yog kev nyiam kev hlub. Lo lus tias txhob zes luag poj luag sev, txhob tua tsiaj, txhob ua tub sab tub nyiag, txhob ntshaw ub ntshaw no, yog xaus rau tib lo lus tias :
“Koj yuav nyiam luag tej ib yam li koj nyiam koj.”
Kev nyiam kev hlub tsis yog kev xav, thiab tsis yog kev khuv leej. Kev nyiam kev hlub, yog qhov zoo zoo uas lwm tus xav tau. Yog tsis muaj kev nyiam kev hlub koj ua puas tau qhov ntawd ? Txaus siab rau lwm tus txoj kev zoo, kev zoo siab uas tawm ntawm ib tug neeg los peb yuav zoo siab txais. Ib yam li kuv qhib qhov rooj txais Yes Xus thiab cia Yes Xus los hauv kuv txoj kev ntseeg, ces kuv thiaj pib ua lub neej raws Yes Xus cov lus qhia. Thov kom peb nco ntsoov Paj Lug cov lus hais tias :
“Thov kom txoj kev xav zoo ib yam ntawd, nyob hauv nej thiab nyob hauv Yes Xus.”
Kuv pib ua raws Yes Xus, kuv pib ua thiab mloog nws lus. Nod tsis yog Yes Xus tus piv txwv ncaj ncees, tab sis yog Yes Xus nyob hauv kuv. Kev zoo siab txais Yes Xus lub txiaj ntsim, mas yog qhov tseeb tiag. Yog peb tsis muaj yam ntawd, peb kuj tsis tau txais kev cawm. Tab sis lub qhov rooj ntawd, yog kev pib thiab yog tus cag ntawm kev ntseeg uas ua tawm hais txog kev nyiam kev hlub. Yog qhov ruaj khov ntawm lub Koom Txoos Kav Tos Liv, yog cov lus tob thiab muaj nqis nyob hauv Paj Lug cov lus qhia. Nyeem cov lus Paj Lug sau rau cov Los Mas, ces tej zaum koj yuav rov nco txog thiab pom tias muaj ntau yam nyob hauv nws txoj kev xav.
