Ntsib tus neeg mob ruas.
Cov phooj ywg sawv daws ! Peb tab tom nyeem Mas Kos ntawv Moo Zoo zaj ib. Thaum peb tab tom nyeem nws yog ib co lus hais txog Yes Xus kho ib tug neeg mob ruas. “Muaj ib tug neeg mob ruas tuaj cuag Yes Xus, nws thov Yes Xus, nws txhos caug taij tias : ‘Yog koj xav, mas koj yeej ua tau kom kuv rov huv’. Yes Xus hlub tus neeg ntawd, Yes Xus cev tes tuav nws thiab hais rau nws tias : “Kuv xav, koj rov huv mas.”
Tam sim ntawd, tus kab mob ruas tso tus neeg ntawd tseg, nws cia li huv hlo.
Zaj no nyob rawv hauv thawj pab neeg ntseeg txoj kev xav, nyob hauv Yes Xus txoj kev kho mob yog ib qho meej tseeb uas peb paub txog Yes Xus, Yes Xus muaj peev xwm ua cov hauj lwm no. Lawv nco tau meej kawg thiab qhuas txog lub moo ntawd.
Peb ua dab tsi los ntawm yam no ? Tam sim no peb yuav ntsia nyob hauv 3 fab. Thawj tus neeg yog cev tes mus tuav tus mob ruas. Qhov kuv hais lub tsev teev Ntuj yog Yes Xus lub cev, thiab Yes Xus cov hauj lwm nyob mus ib txhiab ib txhis hauv txhua tiam neeg. Peb yuav ua yam uas nws ua. Li ntawd, peb thiaj hnov hais txog kev teev Ntuj, kev tshaj lub Moo Zoo thiab kev saib xyuas cov neeg pluag txom nyem.
Ntawd yog qhov Yes Xus tau ua, Yes Xus cev tes mus tuav tus neeg mob ruas. Tam sim no peb paub lawm tias ; ntawd yog hais txog dab tsi nyob hauv Yes Xus txheej neeg. Yog hais txog lwm tus neeg hauv ntau qhov chaw, nws yog tus neeg txaus ntshai.
Peb yuav pom daim duab hais txog tus neeg kis kab mob, nws raug txiav tawm hauv zej zog, raug txiav tawm ntawm lub neej kev teev hawm, peb tau hnov nyob hauv ntawv Les Vis tias : tus neeg mob ruas dua nws tej khaub ncaws, nws quaj thiab qw tias : “Tsis huv, tsis huv.”
Koj xav puas tawm ? Kuv hais txog tias yuav txaj muag npaum cas, yog tus neeg mob ruas ua cuag li ntawd. Yes Xus tsis tau tsis quav ntsej txog, Yes Xus cev tes mus tuav tus neeg mob ruas, thiab kho nws rov huv. Qhov loj tshaj ntawd, tus neeg mob ruas yog neeg tsis huv. Tam sim no peb daws teeb meem kab mob ruas yog kws kho thiab siv tshuaj, peb tsis ua li Yes Xus ua, vim peb tsis muaj hwj chim cuag Yes Xus.
Zim txwv no tseem muaj tus kab mob ruas thiab lwm hom kab mob ntau yam, tab sis peb yuav nco ntsoov Vaj Qhia cov lus hais tias : tsis hais dab tsi yuav tshwm sim thiab txaus ntshai kuj xij, lub Koom Txoos yuav tawm mus thiab cev tes pab cov neeg muaj mob, cov neeg raug kev txom nyem.
Qhov no yog qhov tim ob uas hais txog tus kab mob ruas, thiab qee zaus peb kuj saib zoo li peb kis tus kab mob ruas ntag. Vim peb cov txhaum, ces peb thiaj hnov zoo li peb yog tus neeg mob ruas nyob hauv Yes Xus txheej neeg. Yam peb tau ua mus, yog qhov txaj muag. Peb muaj tus kab mob tsis huv, los yog peb quav yeeb quav tshuaj thiab ua txhaum. Tej yam no ua kom peb nrug deb ntawm Tswv Ntuj thiab tav peb kev. Tab sis peb yuav nco tias yam peb tau ua, yog qhov Tswv Ntuj zam txim tsis tau rau peb, vim peb cov txhaum tuab dhau, peb nyob nrug deb ntawm Tswv Ntuj. Peb cov txhaum ua rau peb zoo li yog neeg mob ruas. Thaum ub Yes Xus tau cev tes mus tuav tus neeg mob ruas thiab ua kom nws rov huv tuaj. Nyem no Yes Xus kuj cev tes los tuav peb, ces zoo li peb yog tus neeg mob ruas lub caij thaud. Peb txaj muag, peb tag kev cia siab. Thov peb qhib peb lub siab txais kev khuv leej, peb cia Yes Xus los nyob hauv peb, vim peb zoo li tus neeg mob ruas. Peb cov txhaum thiab tej kab mob tsis huv, nws yog qhov tag kev cia siab nyob hauv peb sab ntsuj plig, ces peb yuav tau qhib peb lub siab kom tau txais Yes Xus. Vim Yes Xus yeej hais lo lus no rau koj tias : “Koj puas xav kom koj tus kab mob ruas zoo ?” Koj puas xav kho koj tus mob ? Yog koj xav, thov qhib koj lub siab, vim Yes Xus tab tom mloog koj lo lus teb.
Nov yog qhov tim 3 hais txog zaj no, thiab yog qhov kuv xav tias peb nquag hnov qab tshaj plaws, tab sis cov mloog Yes Xus lawv tsis hnov qab. Rov xav txog tus poj niam tsob ntshav, xav txog tus neeg mob ruas, thiab xav txog ib tug txiv neej nyo hau, vim nws tag kev cia siab. Txhua yam no yog kev mob hauv lub yus lub nrog cev thiab fab ntsuj plig, tab sis yog hais txog kev teev Ntuj txheej thaud, mas yog tus kab mob txwv txiav lawv txoj kev teev Ntuj. Thiaj ua rau muaj ntau leej raug cais, raug ntiab thiab tsis pub lawv nkag mus hauv tsev teev Ntuj.
Li ntawd, yuav pab cov neeg no kom rov muaj zog, Yes Xus thiaj txhawb lawv nyob hauv fab ntsuj plig. Tus poj niam tsob ntshav, tus neeg mob ruas thiab tus neeg muaj txhaum, lawv yog cov uas Yes Xus cawm lawv nyob hauv fab ntsuj plig. Thaum lawv zoo thiab rov huv lawm, lawv nyob ruaj nreb hauv txoj kev cav lus zoo txog Tswv Ntuj, lawv coj tus yam txwv zoo nyob hauv fab ntsuj plig, lawv muaj zog.
Peb xav tias tam sim no Yes Xus tab tom kho tus mob ruas thiab coj nws rov los cav lus zoo txog Tswv Ntuj puas yog ?
Peb ua Tswv Ntuj tsaug, tam sim no muaj cov neeg ntseeg Kav Tos Liv 94 feem pua mus koom lub thaj txi Ntuj, muaj cov teb chaws uas lawv noj qab nyob zoo hauv fab ntsuj plig. Tab sis hauv cov teb chaws sab hnub poob, cov neeg feem coob nyob nrug deb lub thaj txi Ntuj, nyob nrug deb ntawm kev cav lus zoo txog Tswv Ntuj. Qhov ntawd yog vim li cas ? Lawv yog zoo li cov neeg mob ruas, lawv zoo li cov neeg tuag tes tuag taw, lawv tsis muaj kev teev Ntuj. Vim li cas cov tub ntxhais hluas nyem no nyiam rov muab lawv tus kheej tua ? Puas yog vim lawv tej kev ntxhov siab, lawv ntsoos ? Vim lawv tsis tau teev Ntuj, lawv tsis muaj Tswv Ntuj nyob hauv lawv nruab siab, lawv tsis muaj kev ntseeg.
Lub ntsiab lus hauv zaj no, yog hais txog Yes Xus cev tes mus tuav tus mob ruas. Koj kuj zoo li tus neeg mob ruas uas Yes Xus tab tom cev tes los rau koj, vim koj nyob nrug deb Tswv Ntuj, koj tsis mus tsev teev Ntuj ntev lawm. Yes Xus tab tom txuas lus nrog koj, nws hu koj. Ces koj yuav rov xav tias ; koj yuav ua dab tsi nyob hauv koj lub neej ua neeg ntseeg, koj yuav cev tes mus tuav cov neeg txom nyem thiab cov ua lub neej nyias ntsais.
