Lo lus hauv lub neej lub 4 hlis.
Lo lus hnub no yog nyob hauv lub Caij Hla. Kev thaj yeeb caw tas peb cov uas tau txais lub Moo Zoo, kom ua tim khawv txog cov xwm tshwm sim uas yog zaj liv xwm hais txog Yes Xus sawv rov los. Kom nkag siab txog lub ntsiab lus hauv ntawv Moo Zoo los ntawm cov Thwj Tim tiag tiag. Yog qhov zoo uas yuav rov hais txog cov lus yav dhau los lawm. “Tej pab neeg coob coob uas yog cov neeg ntseeg, muaj ib lub siab thiab ib tug Leej Ntuj Plig Ntshiab xwb. Tsis muaj leej twg xav tias qhov lawv muaj, yog lawv tug. Tas txhua yam yog qhov xwm yeem nyob hauv lawv.
“Cov Thwj Tim ua tim khawv txog Yes Xus kev sawv rov los muaj hwj chim, thiab txhua tus tau txais txiaj ntsim loj kawg.”
Lo lus no qhia thawj pab neeg ntseeg tau txais Leej Ntuj Plig Ntshiab lub zog, yog koom ua ib tug nyob hauv kev tshaj lub Moo Zoo rau txhua leej txhua tus. Lub Moo Zoo yog qhov Yes Xus sawv rov los lawm. Lawv koom ua ib tug ua ntej lub caij Pentecost uas txaus ntshai thiab poob siab rau cov xwm txheej uas tshwm sim kawg, thiab tab tom tawm los ua tim khawv nyob hauv Leej Ntuj Plig Ntshiab lub zog. Nws rhuav tshem kev ntshai thiab lawv muaj ib lub siab ib tug Leej Ntuj Plig Ntshiab. Lawv xyaum sib nyiam sib hlub thiab lawv sib faib txhiam xws noj. Qhov no yog qhov tseeb uas ua kom muaj neeg ntseeg coob zuj zus tuaj. Tsis hais poj niam los txiv neej, tus uas raws Yes Xus thiab lawv t
au hnov Yes Xus cov lus qhuab qhia, lawv nrog Yes Xus nyob thiab sib nyiam sib hlub. Lawv tau pom Yes Xus ua hwj huam yees ntxwv ntawm lawv qhov muag kiag, ces lawv lub neej hloov. Vim lawv raug hu kom tig los yuav lub siab tshiab thiab ua lub neej tshiab. Lawv yog thawj pab tim khawv zeem tseeb txog qhov Yes Xus sawv rov los thiab nyob nruab nrab hauv peb.
Tab sis zim txwv no peb yog Yes Xus cov Thwj Tim, peb yuav ua tim khawv txog Yes Xus tau li cas thiab lo lus tias ua tim khawv yog txhais li cas ?
“Cov Thwj Tim ua tim khawv txog Yes Xus kev sawv rov los muaj hwj chim, thiab txhua tus tau txais txiaj ntsim loj kawg.”
Qhov uas zoo tshaj ntawm kev ua Yes Xus tim khawv txog kev sawv rov los, ua kom pom tias Yes Xus muaj txoj sia thiab nyob nruab nrab hauv peb. Yog peb ua lub neej raws Yes Xus cov lus qhia, peb yuav muab siab rau hlub cov nyob ze peb kom kawg peb lub siab. Yog tias peb muab siab rau tuav peb txoj kev nyiam kev hlub nyob hauv peb kom xwm yeem, mas Yes Xus uas nws sawv rov los yuav nyob nruab nrab hauv peb. Nws yuav ua cov sab teeb ci pom kev zoo nkauj nyob ib ncig peb. Nws yuav hloov txhua yam nyob ib puag ncig peb los ua txiv xyoob txiv ntoo suav tsis txheeb. Nws yuav yog nws los ntawm nws tus ntsuj plig uas coj kev thiab peb cov hauj lwm. Nws yuav npaj txhua yam thiab pub lub caij nyoog rau peb, coj nws txoj sia mus rau lwm tus uas xav muaj txoj sia.
“Cov Thwj Tim ua tim khawv txog Yes Xus kev sawv rov los muaj hwj chim, thiab txhua tus tau txais txiaj ntsim loj kawg.”
Margaret Karram sau tias : “Mus kom thoob lub ntiaj teb, mus tshaj lub Moo Zoo rau tas txhua yam muaj txoj sia.” Yog ib lo lus tshwj xeeb uas cov Thwj Tim tau txais los ntawm Yes Xus nyob hauv 2000 xyoo dhau los, thiab tau hloov cov keeb kwm. Tam sim no Yes Xus teb tib lo lus li no rau peb. Nws muaj peev xwm coj nws tus kheej tuaj nyob hauv lub ntiaj teb no los ntawm lub tswv yim zoo, thiab nws pub kev thaj yeeb rau peb. Yog kev tshaj tawm uas tsis yog tiav rau nws txoj kev tuag xwb.
Tsis tas li ntawd, nws kuj tau txais lub zog tshiab tom qab nws sawv rov los thiab Pentecost. Tas nws cov Thwj Tim rais ua cov tim khawv siab tawv nyob hauv lub Moo Zoo, thiab hnub no lawv cov lus kuj tuaj txog peb uas yog tawm ntawm kuv los, tawm ntawm peb txhua tus. Tswv Ntuj xav qhia nws txoj kev nyiam kev hlub rau tas ib tsoom neeg uas ua neej nyob luv thiab nyob ntev.
Zaj no yog sau los ntawm Patrizia Mazzola thiab pab neeg World of Life
