Kev cog lus (The promise)
Muaj ntau yam keeb kwm thiab kev txawj ntse txheej thaud uas xav tias caij nyoog yog qhov tshwm sim. Yam uas kuv hais txog yog qhov txawj tig nyob ib ncig thiab tsis txav mus qhov twg li. Nws yog yam uas rov ua thiab sib txuas ua ntu zus, ib yam li kev pauv ntxeev ntawm lub caij nyoog los yog cov hnub qub.
Caij nyoog yog qhov tshwm sim, coob coob leej niaj hnub no nyob nrog lub sij hawm nkim dag ua si. Sij hawm yog zoo li yam dhau mus dhau los, nws tsis yog los ib qhov twg tseem ceeb los. Nws tsis muaj txiaj ntsim dab tsi. Nyob li ntawm ob tug neeg uas tag kev cia siab rau kev nkag siab txog lub sij hawm, qhov kawg Ntawv Ntshiab hais tias tsis yog. Ntawv Ntshiab muab siab rau txog lub sij hawm, lub sij hawm yog lub zog coj peb mus rau ib txoj kev twg, nws tab tom tshais ruam mus tom ntej uas yog qhov chaw cia siab. Vim li cas ? Yog vim Tswv Ntuj. Tswv Ntuj tsis yog yuj ya nyob siab dua lub ntuj thiab tsis quav ntsej txog lub ntiaj teb no. Tsis yog ! Tswv Ntuj yog tus tsim txhua tsav puas yam, txhais tias Tswv Ntuj yog tus tsim lub sij hawm los caij nyoog. Txhais tias lub caij nyoog muaj hom phiaj, muaj txoj hau kev, muaj zog thiab tab tom txav mus rau ib qho chaw twg. Saib ma ! Peb cov neeg ntseeg kav lub caij nyoog mus rau Ntawv Ntshiab. Leej Ntshiab Paj Lug hais txog Yes Xus nyob hauv kev xaus tas txhua yam thiab nyob mus li. Txhua yam txav mus nrhiav nws, thiab ntawd yog hais txog lub keeb ntawm Yes Xus los nyob hauv ntiaj teb no. Tab sis qhov tseem ceeb tshaj ntawd, Yes Xus txoj kev los zaum ob yog thaum neeg lub caij nyoog tiav lawm.
Caij nyoog los lub sij hawm muaj hom phiaj, muaj qhov tig thiab muaj txiaj ntsim qab hauv. Ntxiv ntawm no mus yog kev muab los sib piv, lub caij nyoog tsuas yog qhov ntxhov quav niab tsis muaj qab hau. Tswv Ntuj yog tus tsim tas txhua tsav puas yam, nws yog tus sau lub caij nyoog. Li ntawd, peb yuav tsis poob siab txog qhov peb tau pom cov lus paj huam ntxim siab thiab tsis ua xyem xyav txog tej yam no. Kuv xav mus nyeem, ces peb yuav pib nyob hauv ntawv His Xais, vim His Xais yog tus yaj saub loj nyob hauv lub caij yug los. Kuj hais txog As Kas thiab, As Kas yog tus vaj hnub nyoog me tshaj thiab nws tsis tso siab rau nws tus kheej. Nws tab tom raug xwv txheej loj. Tus yaj saub His Xais tuaj cuag nws thiab txhawb dej siab rau nws. Nws hais tias :
“Thov lub cim tseem ceeb ntawm Tswv Ntuj, ces Tswv Ntuj yuav pub”.
As Kas tus tsis muaj kev ntseeg, nws tsis nco txog Tswv Ntuj, nws vam txog tej yam nyob hauv lub ntiaj teb los daws nws li teeb meem. Nws hais tias :
“Oh..tsis ! Kuv yuav tsis nug. Kuv yuav tsis dag Tswv Ntuj”. Saib ma ! Saib zoo li nws txawj hais lus ua neeg me, thiab txaus qhuas. Tab sis tsis yog li ntawd, nws yog neeg tsis muaj Tswv Ntuj txoj kev xav thiab tsis ua li qhov Tswv Ntuj nyiam. His Xais thiaj hais tias : “Mloog mas ! Das Vis tsev neeg, thov nej mloog !” Nws hais txog As Kas tus hloov Das Vis, thov koj mloog ! Kev ua rau lwm tus neeg qaug zog, nws tsis tau txaus lod ? Nws yuav ua kom peb tus Tswv Ntuj qaug zog thiab lod ? Nws hais tias :
“Vim li cas koj thiaj thuam Tswv Ntuj hais txog zaj no ? Vim li ntawd, Tswv Ntuj yuav muab lub cim tseem ceeb no rau koj. Tus nkauj xwb yuav xeeb tub thiab nws yuav yug ib tug me tub, luag yuav tis nws lub npe hu ua Es Mas Nus Es.”
Tab sis As Kas tsis thov ib lub cim dab tsi, As Kas txoj kev ntseeg ploj lawm. Tswv Ntuj tsis swb cov His Xas Lais, nws tsis kam swb tib neeg. Tswv Ntuj yuav pub lub cim tseem ceeb rau koj. Nov yog lub cim uas ib tug nkauj xwb yuav xeeb tub, thiab nws yuav yug ib tug me tub. Luag yuav hu nws ua Es Mas Nus Es.
Tus yaj saub Nas Taas tab tom hais rau Das Vis tias : “Koj yuav pom nyob hauv Xas Muas phau ob zaj 7, yog zaj uas tseem ceeb tshaj plaws nyob hauv phau ntawv Xas Muas.” Nas Taas hais dab tsi rau Das Vis ? Tswv Ntuj tsa nws haiv neeg nyob saum lub theej kiab thiab Tswv Ntuj lub Ceeb Tsheej yuav nyob mus li. Koj puas hnov lub suab ntawd ? Yam uas Tswv Ntuj tau cog lus rau As Kas yog yam uas npaj los ntev lawm. Thaum Tswv Ntuj rov cog lus rau Das Vis dua ib zaug ntxiv, yog lo lus cog hais tias Das Vis tus tub yuav ua vaj mus tsis paub kawg.
As Kas hu Das Vis, Das Vis hu As Kas, muaj txoj kev ntawm Das Vis mus txog As Kas. Tab txawm tias tej yam no zoo li ntxhov quav niab nyob hauv tej liv xwm, tsis kav kuj muaj lub zog, muaj txoj hau kev thiab muaj qab muaj quag. Tam sim no peb rov mus saib Ntawv Ntshiab, kom tau mloog lub suab ntxhe los ntawm Das Vis thiab As Kas rau yav tom ntej. Mas Tais hais tias : Ntuj tus Tshiab tab tom tshaj tej yam tshwj xeeb “Yog Xes Das Vis leej tub”. Koj txhob ntshai lees txais tus poj niam ntawd los nrog koj nyob, vim Leej Ntuj Plig Ntshiab lub hwj chim, tus me nyuam no thiaj xeeb nyob hauv nws lub cev. Koj nco ntsoov txog Tswv Ntuj cov lus cog rau Das Vis hais txog nws caj ces. Cov lus cog rau As Kas tias : tus me nyuam tub, tus neeg yuav yug los, tas txhua yam no yog tshwm sim raws li Tswv Ntuj lo lus uas cov yaj saub tau tshaj tawm.
Nyem no peb rov mus saib tej yam uas His Xais tau hais rau As Kas tias :
“Saib mas ! Tus nkauj xwb yuav xeeb tub, nws yuav yug ib tug me tub thiab luag yuav tis nws npe hu ua Es Mas Nus Es, txhais tias “Tswv Ntuj nrog peb nyob”.
Ntawd yog kev cog lus uas His Xais cog rau As Kas, nws qhia txog lo lus cog uas Nas Taas tau cog rau Das Vis thiab tam sim no nws tiav log lawm. Tom qab ntawd tus me nyuam uas yug ntawm tus nkauj xwb los, nws zoo tiag. Liv xwm tsis yog kev ntxhov quav niab ntawm txhua yam, tsis yog kev foom lus phem, tsis yog qhov uas txhua yam qub qub tig mus tig los zoo li qub.
Tsis yog ! Liv xwm nws txawj txav, nws txav mus pem hauv ntej kom mus txog kev cia siab. Txij Das Vis los txog As Kas, mus txog Yos Xes thiab Yes Xus. Qhov uas peb nyeem Ntawv Ntshiab, kuj yog vim peb hnov lub suab ntxhe thiab cov lus nyob hauv Ntawv Ntshiab. Kev cia siab txog qhov Tswv Ntuj yog txoj sia nyob hauv peb. Tswv Ntuj tsis tso As Kas, tsis tso Das Vis thiab tsis tso Yos Xes. Tswv Ntuj yog tus ua tiav log nyob hauv txoj kev cawm thiab yog qhov tseeb nyob hauv peb lub neej.
Tam sim no kuv xav mus nyeem zaj nyeem ob luv luv nyob hauv lub lis piam no. Thawj zaj yog ntawv His Xais thiab zaj ob yog Paj Lug cov tsab ntawv uas sau mus rau cov ntseeg nyob Los Mas. Nws ua rau kuv ceeb tas li, vim tam sim no Los Mas yog qhov chaw nruab nrab ntawm lub Koom Txoos Kav Tos Liv uas muaj sia. Lub caij Paj Lug nyob, nws yog lub tsev teev Ntuj me me xwb. Thiab lawv sib sau teev Ntuj nyob hauv tej yim neeg ntseeg lub tsev, hauv cov His Xas Lais nyob Los Mas. Paj Lug tsab ntawv no raug hloov los ntau tiam neeg, tab sis nov yog qhov nws hais nyob hauv cov lus qhib tsab ntawv. “Paj Lug tus ua hauj lwm rau Yes Xus, nws raug xaiv ua tiam lis thiab tawm mus tshaj lub Moo Zoo”.
Tus vaj cog lus rau As Kas thiab tus Tshiab xa lus rau Yos Xes kuj yog raws li cov yaj saub tej lus hais tseg. Tus nkauj xwb yuav xeeb tub, nws yuav yug ib tug tub, nws yuav kav tas txhia haiv neeg nyob thoob ntiaj teb. Paj Lug lub npe hu ua Xauv, ua ntej nws yuav tig los yuav lub siab tshiab. Nws muaj kev ntseeg nyob hauv nws cov ntshav thiab cov pob txha lawm. Vim li ntawd, thaum nws tau ntsib tus sawv hauv cov tub tuag rov los, tsis hais nws yuav yog leej twg kuj xij, nws paub tias tus ntawd yog tus cog lus nrog Das Vis thiab As Kas. Ces Paj Lug thiaj paub tias nws yog Yes Xus tus tub txib.
Kev sib raug zoo nrog tus vaj, yog kev mloog lus. Lo lus thwj tim (Apostello), lus Hes Nplaws yog txhais tias “Xa”. Paj Lug yog leej twg ? Paj Lug yog tub txib, yog tus tub txib uas yuav mloog tus vaj lus thiab tus vaj tau xa Paj Lug mus ua nws cov hauj lwm. Peb yuav nco ntsoov tias peb cov liv xwm sib txuas ua ntu zus thiab loj heev nyob hauv Ntawv Ntshiab. Das Vis txog As Kas, As Kas txog Yos Xes thiab Yes Xus txog Paj Lug. Txoj kev ntawd tseem muaj ua ntu zus los txog rau peb tam sim no.
Peb yuav tsis xav tias Yes Xus yog ib tug neeg nyob hauv liv xwm thiab nyob deb uas ntxim siab xwb. Nws yog tus vaj uas peb tos los ntev thiab tau cog lus los ntev lawm. Tam sim no peb mloog lub suab hu kom ua nws cov tub txib thiab raug xa mus xws li cov tiam lis. Raug xa mus raws Tswv Ntuj lub hom phiaj ib yam li Paj Lug.
Cov phooj ywg sawv daws ! Yog peb nkag siab txog yam no, yog peb nkag siab txog zaj liv xwm kev cawm uas pauv ntxeev tas mus li, peb kuj yuav npaj txhij nyob hauv txoj kev tos txais Tswv Ntuj nyob hauv hnub ua hmoov tsuj xeeb Yes Xus yug los.
Thov Tswv Ntuj foom hmoov zoo rau koj !
