Zaj nyeem hnub tim 14 lub 4 hlis 2026
Hnub Peb, Lis Piam 2 caij Hla
Cov lus nyob hauv Zam Ntawv Moo Zoo (Z 3: 7-15)
Kwv tij sawv daws, yog peb xav khaws ib nqe lus tseem ceeb nyob rau hauv Huab Tais Yes Xus cov lus qhia. Yog peb tsis pom qab yuav xaiv lo lus twg los khaws rau hauv nruab siab. Mas xav kom peb khaws Huab Tais Yes Xus lo lus no ncia, txawm tias hnub no ntawm Moo Zoo cia peb nyeem txog qib 15, tiam sis, nyob rau hauv qib 16 yog qib lus tseem ceeb tshaj, uas xav kom khaws thiab nco ntsoov tias : “Tswv Ntuj nyiam lub qab ntuj neeg npaum no, nws thiaj muab nws Leej Tub twm zeej rau, kom xwv tus ntseeg txog Leej Tub txhob tuag, tab sis kom nws muaj txoj sia nyob mus li.” Thov kom peb ntseeg ruaj txog Huab Tais Yes Xus uas yog Tswv Ntuj Leej Tub, ntseeg txog nws txoj kev nyiam kev hlub uas nws muab rau peb, yog Huab Tais xav kom peb ntseeg, peb thiaj yuav dim, ces peb kav tsij ntseeg mog.
Nyob zoo.
