Vaj Qhia Fas Ntshis Kus txhib tsoom pej xeem Is Ntos Nes Xias.
Vaj Qhia Fas Ntshis Kus thov kom cov neeg ntseeg Is Ntos Nes Xias nyob ruaj hauv kev ntseeg, kev sib koom tes thiab sib pom dej siab.
Hnub tim 4 lub 9 hlis no, Vaj Qhia Fas Ntshis Kus hais rau Txiv Plig thiab cov thawj coj neeg ntseeg nyob hauv lub tuam tsev teev Ntuj nyob Jarkata. Txhib kom lawv sib koom tes thiab muaj kev ntseeg ruaj khov, ua kwv ua tij thiab muaj kev khuv leej.
Vaj Qhia cov lus ua kom pom txog qhov tseem ceeb ntawm kev mus tsham Is Ntos Nes Xias teb raws li Yes Xus ib tug Thwj Tim.
“Kev ntseeg, kev ua kwv ua tij thiab kev sib pom dej siab.”
Vaj Qhia txhib hais txog qhov tseem ceeb hauv cov ntsiab lus no, ua kev tsuj xeeb lub teb chaws uas muaj ntau txoj kev teev hawm thiab muab siab rau ua kom muaj vaj huam sib luag. Nws txhawb kom cov neeg ntseeg ntsia pom txog qhov muaj nqis ntawm tej yam ntuj tsim thiab hauv Is Ntos Nes Xias cov kab lis kev cai, ua qhov qhia txog tias yog Tswv Ntuj qhov chaw nyob. Txhawb nqa kev sib hwm thiab kev lees txais lees paub nyob hauv tsoom pej xeem. Vaj Qhia Fas Ntshis Kus thov kom cov neeg ntseeg muaj kev sib koom tes ntau dua qub thiab nthuav kom dav. Vim Is Ntos Nes Xias teb yog lub teb chaws ib txwm muaj kab lis kev cai zoo thiab ntau txoj kev teev hawm. Nws hais txog qhov muab siab rau ua kom tib neeg paub kev ntseeg coob tuaj thiab muab txhais ua xeem lus Is Ntos Nes Xias, kom tsoom pej xeem paub.
Fab kev khuv leej : Vaj Qhia thov kom lub Koom Txoos muab siab rau saib txog qhov tseem ceeb ntawm tib neeg kev xav tau. Ntawm cov neeg tsis muaj zog thiab txhob nco txog tus kheej, txhob muab tus kheej saib loj dua. Vaj Qhia txhawb nqa kev ua hauj lwm pub dawb thiab kev sib koom tes yog tus cag tseem ceeb ntawm kev ncaj ncees thiab kev sib pom dej siab.
Vaj Qhia Fas Ntshis Kus siv lub cim ntawm Marian symbolism los xaus nws cov lus, los txhawb nqa kev ntseeg kom ruaj khov. Kev sib koom tes thiab kev khuv leej kom muaj nyob mus li. Nws cov lus thov Ntuj yog kev pauj thiab kev lees txais hauv lub rooj sab laj. Kev mus tsham zaum no, ua kom pom txog kev muab siab rau ntawm Vaj Qhia kev txhim lub Koom Txoos, kom ua ib tug thiab muaj kev sib pom dej siab dua qub.
Yav tom ntej ntawm Vaj Qhia :
Vaj Qhia uas yog tus thawj coj tas tsoom neeg ntseeg Kav Tos Liv nyob thoob ntiaj teb, nws yog Yes Xus Thwj Tim mus txog xeev ntuj As Xias Pas Xis Fiv lub 9 hlis 2024. Nws yuav tsham Is Ntos Nes Xias teb, Pas Puas teb, Tis Mos teb thiab Xees Cas Pos teb. Is Ntos Nes Xias teb yog qhov chaw nws so thawj kauj ruam hauv kev ncig tsham. Vaj Qhia yuav nyob Is Ntos Nes Xias teb txij hnub tim 3-6 lub 9 hlis 2024. Kev tsham Is Ntos Nes Xias teb yog tom qab Vaj Qhia Paj Lug 6, hauv xyoo 1970. Thiab tom qab Vaj Qhia Zam Paj Lug Ob xyoo 1989. Kev mus kev ntawm Vaj Qhia nyob hauv 11 hnub no, yog txij hnub tim 3 txog hnub tim 13 lub 9 hlis xyoo 2024. Yog ib zaug uas Vaj Qhia tawm rooj mus kev ntev tshaj txij thaum nws tau los ua Vaj Qhia nyob hauv 11 xyoos tag los no.
