Tus Tswv Qhia nyob Tokyo hais tias cov neeg ntseeg Kav Tos Liv khiav ua thoj nam nyob Zis Pees teb, lawv yog tub tshaj Ntuj Lus

Tswv Qhia Kikuchi nyob Tokyo, uas nws yog tus lwm thawj tswj ntawm lub pwm tsav cov Tswv Qhia As Xias. Nws raug cov lus nug txog cov neeg thoj nam nyob Zis Pees teb, tom qab muaj kev tshaj tawm tias tsoom pej xeem Zis Pees tab tom tsawg zuj zus. Cov neeg ntseeg Kav Tos Liv ntau txhiab leej uas khiav ua thoj nam mus rau Zis Pees teb, tsis tsim nyog yuav xav tias muaj lwm yam ua rau lawv khiav. Tab sis yuav saib tias lawv yog cov tub tshaj Ntuj lus hauv kev ntseeg, nyob hauv lub teb chaws uas tsoom pej xeem feem coob yog teev hawm Phus Thas. 

Tswv Qhia Kikuchi muaj 66 xyoo, tam sim no nws yog tus thawj tswj ntawm Caritas Internationalis. Yog lub Koom Haum pab zej zog ntawm lub Koom Txoos nyob thoob ntiaj teb. Nws hais tias ; qhov teeb meem loj tshaj nyob thoob ntiaj teb zim txwv no, yog tib neeg lub tswv yim pauv ntxeev. Nws yog ib tug tim xyoob nyob hauv lub Koom Haum Lo Lus Ntshiab (SVD). Nws tau mus tshaj Ntuj Lus nyob Kas Nas teb hauv xeev ntuj Africa 8 xyoo, txij xyoo 1986 txog 1994. Yog ua ntej nws yuav tau ua tus thawj tswj saib cov Tswv Qhia nyob Zis Pees. Vim li no, nws thiaj nkag siab txog kev cheem tsum thiab kev txom nyem ntawm cov neeg thoj nam tau zoo.