Tus Tswv Qhia Is Ntos Nes Xias hais tias : “Tej zaum kev pluag txom nyem yuav ua kom muaj kev ua luam muag neeg.” Hauv kev sau siab hais txog cov neeg thoj nam ntawm txhua txhia lub teb chaws.
Tswv Qhia Sunarko uas yog tus lwm thawj tswj cov Tswv Qhia nyob Is Ntos Nes Xias teb hais cov lus no nyob hauv lub thaj txi Ntuj hnub tim 20 lub 9 hlis. Haum cov lus xaus lub rooj sau siab ntawm txhua lub teb chaws, vim yog hnub cov neeg thoj nam hnub nyob ntiaj teb xyoo 2026. Kev sau siab hauv lub ntsiab lus tias : “Hauv kev pluag txom nyem mus txog lub meej mom. Txhawb nqa kev ua neeg thoj nam kom muaj kev nyab xeeb thiab raws txoj cai.” Nws hais txog zaj paj lug hauv ntawv Moo Zoo uas cov tub zog raug txib mus ua hauj lwm hauv daim teb txiv cawv hauv cov sij hawm sib txawv. Sunarko hais txog qhov tseem ceeb hauv lub sij hawm ua hauj lwm nrog cov ntsib teeb meem hauv kev lag luam. Yog tsis muaj lub sij hawm no, mas cov neeg pluag txom nyem yuav poob mus rau kev ua luam neeg uas yog los ntawm kev pluag txom nyem thiab tag kev cia siab. Tswv Qhia hais tias : “Kev daws teeb meem ntawm kev thoj nam thiaj tsim nyog yuav ua ntau dua kev pab cuam, tom qab tshwm sim los ntawm kev raug luag saib tsis taus, kev pub lub caij nyoog rau neeg ua hauj lwm thiab kev ua lub neej muaj meej mom yuav pab daws tau qee yam teeb meem uas lawv ua rau cov neeg pluag txom nyem.” Nws hais txog qhov tseem ceeb ntawm cov tub ua hauj lwm uas saib xyuas cov neeg thoj nam thiab cov uas lawv nyob nrug deb lawv tej qub zos. Nws piav tias kev ua tub koom tes yog qhov txaus siab yuav nyob ntawm lwm tus ib sab, tsis hais hauv lub caij lawv raug tsim txom thiab raug kev txom nyem. Nws hais txog Is Ntos Nes Xias teb tej kev sib pab, nws txhawb kom cov neeg Kav Tos Liv xa tus ntsuj plig hauv kev sib koom siab no mus rau cov neeg thoj nam thiab cov neeg pluag txom nyem. Tswv Qhia thov kom cov neeg ntseeg Kav Tos Liv saib cov neeg thoj nam tias ; lawv tsis yog cov neeg xav tau kev pab xwb, tab sis yog cov neeg muaj meej mom, muaj kev cia siab thiab muaj peev xwm uas tsim nyog tau txais kev nyob nyab xeeb, lub sij hawm thiab kev saib xyuas zoo.
