Pab kav xwm poj niam ntawm lub pwm tsav cov Tswv Qhia Kas Tos Lis nyob Is Ntias teb, qhib kev sau siab zaum tim 8 hauv lub teb chaws nyob hauv lub xeev Karnataka.
Kev sau siab hauv lub ntsiab lus “Cov poj niam sib koom siab thiab cov poj niam rau lub ntiaj teb ncaj ncees.” Muaj Tswv Qhia Ferrao uas yog CCBI tus thawj tswj ua tus coj lub Txoos qhib kev sau siab. Thiab muaj tus Tswv Qhia Kumar Kujur uas nws yog tus thawj tswj cov kav xwm poj niam thiab cov thawj coj ntawm lwm lub Koom Txoos tuaj koom. Tswv Qhia hais txog poj niam cov hauj lwm uas muaj nyob hauv tsev neeg, hauv zej zog thiab hauv lub Koom Txoos. Nrog rau kev txhawb nqa kom cov poj niam muaj feem cuam hauv zej zog thiab hauv lub Koom Txoos ntau dua qub. Kev sau siab zaum no tseem muaj kev ua yeeb yam hauv tej kab lis kev cai los nco txog ntau yam sib txawv nyob Is Ntias teb thiab. Kev sau siab zaum no yog hais txog cov hauj lwm Mathronnothi, uas yog cov hauj lwm pib ua ntawm lub Cheeb Koom Txoos Mangaluru uas txhawb nqa cov poj niam tsis muaj txiv, thiab muab 10 plhom Rupee nyiaj uas yog John Samuel muab los cev kom tau nco txog nws niam. Lub koob tsheej Mahilotsava 2026, yog ib feem hauv kev ua raws lub Cheeb Koom Txoos thiab yog lub Koom Txoos cov hauj lwm qhia kev ntseeg xyoo 2033. Kom tsim kev ua tus coj ntawm cov poj niam thiab cov hauj lwm pib ua los txhawb nqa kev sib koom siab thiab kev ncaj ncees.
