Nyab Laj teb npaj ua cov kab ke cev lub tsev teev hawm Niam Mab Liab, uas xav tias yuav rub tau cov neeg tawm rooj fiv Ntuj nyob thoob ntiaj teb tuaj.
Cov kab ke zaum no yog ua ncaj rau hnub txwm 61 xyoos ntawm lub Cheeb Koom Txoos thiab muaj cov Tswv Qhia tuaj ntawm 27 lub Cheeb Koom Txoos tuaj. Muaj 500 tawm tus Txiv Plig thiab Leej Phauj, muaj cov sawv cev ntawm cov Cheeb Koom Txoos nyob thoob ntiaj teb tuaj koom nrog. Tswv Qhia Đỗ Văn Ngân hauv lub Cheeb Koom Txoos Xuân Lộc ua tus coj lub Txoos cev lub tuam tsev. Hauv cov lus nthuav ntawv Moo Zoo, Tswv Qhia Nguyễn Văn Khảm nyob Mỹ Tho hais tias; cov hauj lwm ntawm lub tsev teev hawm no, yog kev coj cov neeg tawm rooj fiv Ntuj mus cuag Yes Xus los ntawm Niam Mab Liab nrog rau ntxiv kev ntseeg, kev thaj yeeb thiab kev sib koom siab. Hauv cov kab ke cev muaj qhov chaw faus Leej Ntshiab As Nres Nguyễn Kim Thông cov pob txha nyob hauv lub qab thaj txi Ntuj nrog rau kev ua lub Cim Pleev qub qub thiab hlawv xyab. Cov thawj coj lub Koom Txoos qhuas txog kev ntseeg thiab lub siab zoo hauv kev pab txhim lub tuam tsev. Lawv vam tias Niam Núi Cúi yuav rais ua qhov chaw ntawm fab ntsuj plig uas tos txais cov neeg tawm rooj fiv Ntuj nyob Nyab Laj teb thiab nyob thoob ntiaj teb.
