Xov Xwm Koom Txoos

Lub Koom Txoos Thaib tsuj xeeb txwm ib xyoos ntawm Vaj Qhia Les Os 14, thiab teeb tsa tus Tswv Qhia tshiab kav lub Cheeb Koom Txoos Tseej Maim

Default User Image
By Hmong Service, 02 June, 2026
Hnub tim 7 lub 5 hlis 2026 lub Koom Txoos Thaib ua thaj txi Ntuj nyob hauv lub tsev teev Ntuj tus Cawm Seej nyob Npaas Koj los cav txog Vaj Qhia Les Os 14 ua tus saib lub Koom Txoos txwm 1 xyoos, thiab Vas Tis Kas tsa tus Tswv Qhia tshiab saib lub Cheeb Koom Txoos Tseej Maim. (Duab: Mark Saludes)

Lub Koom Txoos nyob Thaib teb ua thaj txi Ntuj ua Tswv Ntuj tsaug hnub tim 7 lub 5 hlis 2026, nyob hauv lub tuam ceeb Bangkok, vim hnub no lawv ua hmoov tsuj xeeb txwm ib xyoos uas yog thawj xyoo ntawm Vaj Qhia Les Os 14 thiab Vas Tis Kas tau tsa Txiv Plig Pob Zeb Suphot Roeksujarit ua Tswv Qhia tshiab saib lub Cheeb Koom Txoos Tseej Maim.

Hmoov tsuj xeeb yog ua nyob hauv lub tsev teev Ntuj Tus Cawm Seej, muaj Vaj Qhia tus Tiam Lis nyob Thaib teb ua tus coj lub Txoos nrog rau tus Tuam Tswv Qhia Vira Arpondratana uas yog tus thawj coj cov lub Rooj Tswv Qhia Thaib (CBCT), cov tiam lis, cov sawv cev tseem hwv, cov Leej Choj thiab tsoom neeg ntseeg. 

Tus Tuam Tswv Qhia Peter B. Well uas yog Vas Tis Kas tus tiam lis nyob Thaib teb, xub tshaj ua ntej lub thaj txi Ntuj tias “Vaj Qhia Les Os 14 tau tsa Txiv Plig Suphot Roeksujarit uas nws nyob hauv lub Cheeb Koom Txoos Npaas Koj ua Tswv Qhia saib lub Cheeb Koom Txoos Tseej Maim. Txiv Plig Suphot tau ua hauj lwm rau lub Cheeb Koom Txoos Npaas Koj hauv kev saib tus peev txheej tib neeg thiab nws yog tus sawv daws paub dav kawg ntawm kev ua tus coj fab kev qhuab qhia nyob hauv lub tsev Tseb Nplej los yog Ban Phu Waan. Nws yog tus saib xyuas kev txhim kho thiab kev qhia kev ntseeg.