Txoj kev mus cuag Leej Txiv
Zaj ntawv Moo Zoo hnub no yog los ntawm cov lus qhuab qhia thawj zaug uas Yes Xus hais nyob hauv pluas mov kawg. Tom qab Yus Das tawm mus kom tau npaj ua phem, mas cov lus qhuab qhia no raug hu ua cov lus qhuab qhia sib ncaim, vim cov lus qhuab qhia no zoo li Yes Xus xav qhia txog qhov kawg ntawm nws, ua ntej nws yuav mus ntsib kev txom nyem thiab kev tuag.
Kev ntseeg kom peb ua tib zoo xav txog cov lus qhuab qhia no tom qab lub Caij Hla. Yog qhov zais ntshis yuav raug nthuav tawm thiab muaj txiaj ntsim qab hau. Yes Xus cov lus hais hauv pluas mov kawg, tsis yog hais rau cov Thwj Tim uas lawv sib sau nyob saum txheej tsev xwb, nws yog hais txog cov Thwj Tim txhua txheej txhua tiam. Lub caij uas tsim nyog yuav rov ua tib zoo xav txog cov lus no, yog lub Caij Hla.
Zaj ntawv Moo Zoo hnub no yog pib ntawm lo lus uas tej zaum yuav ua rau peb nkag siab yuam kev tau. “Nyob hauv kuv txiv tsev, muaj ntau chav. Yog tsis muaj, mas kuv yuav tsis hais rau nej tias kuv mus npaj ib qho chaw rau nej. Thaum kuv mus npaj tau ib qho chaw rau nej lawm, kuv yuav rov los coj nej mus nyob ze kuv, kom xwv kuv nyob qhov twg, nej nrog kuv nyob qhov ntawd.”
Saib zoo li Yes Xus hais tias txog lub caij lawm uas nws yuav nce mus saum Ntuj. Thiab nws cog lus tias yuav mus npaj ib qho chaw rau nws cov Thwj Tim. Cov lus no tsis txaus siab pes tsawg, vim peb ntseeg tias txhua yam nyob saum ntuj ntawd npaj txhij los ntev lawm. Thiab tej kev xav hais txog lub rooj zaum, nws zoo li tus txheej txheem ntawm cov paj tshab. Nws yog qhov txhawj xeeb, vim qee leej yuav tsis muaj lub rooj zaum ntawd, nws tsis yog qhov zoo siab. Yes Xus hais tias nws yuav taug txoj kev txom nyem, thiab hais tias phim cov Thwj Tim paub txoj kev no zoo. Vim nws tau hais txog txoj kev no ntau zaus. Tos Mas teb ua sawv daws tug tias :
“Huab Tais, peb tsis paub txoj kev. Peb yuav ua cas paub tias koj mus qhov twg ?”
Yes Xus hais tias ; nws yuav xub taug txoj kev ntawd ua ntej. Tom qab thaum nws cov hauj lwm tiav tas, nws yuav rov los thiab coj cov Thwj Tim mus nyob ze nws. Nws pub lub peev xwm thiab lub zog rau lawv, kom lawv tuaj yeem mus raws nws tus neev taw tau. Tam sim no txoj kev ntawd meej tseeb lawm. Qhov ntawd yog kev mus rau lub Caij Hla. Yog txoj kev txom nyem, vim yuav tsum txo txoj sia. Yes Xus hais txog zaj no ntau zaus, tab sis cov Thwj Tim kheev kheev ua xyem xyav thiab tsis nkag siab. Thaum Yes Xus hais txog ‘qhov paj tshab ntawm txoj sia’, mas lawv nyias khiav nyias thiab xav txog lwm yam. Ntawm lo lus no, thiaj muaj lo lus nug txog qhov chaw hauv Leej Txiv tsev ntau kawg. Nws kuj meej tseeb ib yam. Tus xaiv taug txoj kev Yes Xus taug, yuav pom tias nws nyob hauv Tswv Ntuj lub Ceeb Tsheej, nyob hauv Leej Txiv lub tsev. Lub tsev no tsis yog Ceeb Tsheej, tab sis yog cov neeg ntseeg. Nyob ntawd muaj chaw ntau. Nyob ntawd muaj kev ua tub txib, thiab muaj hauj lwm ntau kawg yuav ua.
Muaj ntau txoj kev uas qhov paj tshab ntawm txhua tus txoj sia yuav tawm meej tseeb, nyob ntau qhov chaw. Qhov no yog txhua yam hauj lwm. Txhua tus raug hu kom siv nyias lub peev xwm. Cov paj tshab uas tau txais los ntawm Tswv Ntuj, yog kom pab yus cov txheeb ze. Los txog rau Vas Tis Kas Ob, cov neeg ntseeg tsis tau txais kev tuav xam tias yog lub Koom Txoos cov tim xyoob siab kub lug. Lawv tsis muaj feem cuam txog lub Cim Yug. Lawv tsuas yog tus pab. Lawv tsis tau koom kev rov sib haum xeeb. Lawv mus lees txhaum, lawv kheev kheev ua tus saib yam uas Txiv Plig ua ntsiag to. Hnub no peb nkag siab lawm tias ; cov neeg ntseeg txhua tus yuav kub siab lug, tsis yog vim tsis muaj Txiv Plig, tab sis yog lawv muaj hauj lwm yuav tsum ua nyob hauv cov neeg ntseeg.
Yes Xus hais tias ; hauv kev ua ntawm yus txoj kev ntseeg ntawd, tsis muaj cai yuav khib los ntxub. Vim cov hauj lwm los kev ua tub txib rau yus cov txheeb ze ntawd muaj ntau. Tsuas muaj tus uas ruaj nreb rau lub neej tshiab ntawm tus sawv rov los muab xwb, thiaj nyob tau ntsiag to. Hauv cov hauj lwm zej zog yuav raug ntaus nqi raws lub hwj chim, lub meej mom thiab cov nyiaj uas tau txais.
Lo lus nug uas nug tias : “Koj ua hauj lwm dab tsi ?” Thiaj yog qhov tias : “Koj tau nyiaj npaum li cas ?” Tab sis txoj hauj lwm uas Yes Xus npaj tseg rau txhua tus ntawd, nws raug ntaus nqi raws kev ua tub txib. Txoj hauj lwm zoo tshaj, yog kev ua tub txib rau yus cov txheeb ze thiab ua kom zoo tshaj.
Lo lus no yog thov kom peb soj ntsuam txog lub neej hauv zej zog. Cov tim xyoob uas muab siab rau muaj pes tsawg feem pua ? Puas muaj tej lub luag hauj lwm uas tsis muaj leej twg xav lees txais ? Puas muaj kev sib tw lees txais qee yam hauj lwm ? Hauv cov hauj lwm uas Yes Xus npaj tseg, puas muaj hauj lwm los tsis muaj ? Puas muaj cov neeg tsis muaj hauj lwm ua ? Vim dab tsi ?
Feem ob ntawm zaj ntawv Moo Zoo hnub no, yog txij qib 8 mus txog qib 12.
Fis Lis Pos hais tias : “Huab Tais, thov koj pub peb pom Leej Txiv, mas peb siab thiaj nqig.” Mais Xes hais rau Tswv Ntuj tias : “Thov koj pub kuv pom koj lub hwj chim.” Tswv Ntuj teb tias : “Koj yuav pom kuv lub ntsej muag tsis tau, vim tias leej tib neeg pom tsis tau kuv lub ntsej muag yog nws tseem muaj txoj sia.”
Tab txawm lawv paub tias pom Tswv Ntuj tsis tau, tsis kav cov His Xas Lais coj nruj kuj tseem thov ntxiv mus tias : “Kuv nrhiav koj lub ntsej muag. Huab Tais, koj txhob thaiv koj lub ntsej muag rau kuv. Kuv tus plig nqhis tus Tswv Ntuj muaj txoj sia. Thaum twg kuv mam tau mus pom nws lub ntsej muag.” Fis Lis Pos saib zoo li nws paub qhov tib neeg xav nyob hauv nruab siab no, nws paub tias tsis muaj leej twg tau pom Tswv Ntuj ib zaug. Vim Tswv Ntuj nyob hauv qhov pom kev uas chaws mus tsis txog. Tsis muaj leej twg tau pom los yog pom tau. Tab sis nws kuj nco txog txoj hmoov zoo uas hais rau cov neeg siab huv tias ; lawv yuav tau pom Tswv Ntuj. Nws ntseeg tias Yes Xus yuav pub yam nws xav tau. Li ntawd, nws thiaj thov yam uas Mais Xes thiab tus sau Nkauj Paj Nruag tau hais tseg. Hauv Yes Xus cov lus teb, ua kom pom txog txoj kev uas yuav pom Tswv Ntuj. Peb yuav tsum saib Yes Xus cov hauj lwm. Yes Xus yog neeg lub ntsej muag uas qhia txog Tswv Ntuj, kom muaj kev sib raug zoo, kev phooj ywg thiab muaj feem cuam nrog neeg lub neej. Yes Xus yog tus Tswv Ntuj uas qhov muag pom tsis tau tus duab. Nws yog tus xub yug ntawm txhua tsav txhua yam uas ntuj tsim. Nws yog Tswv Ntuj lub hwj chim ci ntsa iab, yog Tswv Ntuj tus duab. Hauv kev paub Leej Txiv, tsis tas yuav siv laij thawj. Nws tsis tsim nyog yuav sib cav sib ceg txog tej kev xav, tsuas yog xav txog Yes Xus thiab saib yam nws ua, yam uas nws hais thiab yam uas nws qhia. Qhov nws coj, qhov nws nyiam thiab hlub. Leej twg yog tus Yes Xus nyiam, leej twg yog tus Yes Xus xav ua phooj ywg nrog. Leej twg yog tus Yes Xus hlub plhws thiab cia nws plhws Yes Xus. Leej twg yog tus Yes Xus faib mov rau noj, leej twg yog tus Yes Xus xaiv, leej twg yog tus Yes Xus kiam, leej twg yog tus Yes Xus txuag pov hwm xwb txaus lawm. Cov Cim no yog yam uas Leej Txiv ua. Cov hauj lwm Yes Xus ua ntawd, yog Leej Txiv cov hauj lwm.
Muaj ib zaug uas Leej Txiv nthuav tawm nws lub ntsej muag tas nrho. Qhov ntawd yog nyob saum Ntoo Cuam. Qhov ntawd yog nthuav tawm nws txoj kev nyiam kev hlub rau ib tsoom neeg. Nyob ntawd Tswv Ntuj lub koob meej tawm tuaj zoo nkauj tas nrho. Nyob ntawd Tswv Ntuj qhov pom kev ci pom kev kawg. Yes Xus hais meej tseeb tias :
“Leej twg pom kuv, tus ntawd kuj pom Leej Txiv.” Tab sis kev pom no tsis yog hais txog cov tau pom tej xwv txheej ntawd. Qhov tseeb tiag kev ua li no yog qhov uas Yes Xus ua xwb. Yam uas tsim nyog yog lub zeem muag hauv kev ntseeg. Lub zeem muag uas tuaj yeem ntsia pom txog sab nraud. Lub zeem muag uas nkag siab txog Tswv Ntuj kev nthuav tawm nyob hauv Yes Xus cov hauj lwm. Kev ntsia pom li no nws zoo ib yam li kev ntseeg. Leej twg kuj xij uas pom Leej Txiv nyob hauv Yes Xus, leej twg kuj xij uas tso siab rau Yes Xus thiab zoo siab muab nws txoj sia cev rau Yes Xus, tus ntawd yuav ua cov hauj lwm Yes Xus ua thiab ua tej yam loj dua ntawd. Tsis yog hwj huam yees ntxwv, tab sis yog kev muab tus kheej tso tag nrho rau kev nyiam kev hlub.
Leej Txiv yuav ua cov hauj lwm kev nyiam kev hlub nyob hauv Yes Xus rau nws cov Thwj Tim ntxiv mus.
Kwv tij Hmoob sawv daws ! Hnub no peb tham txog Zam ntawv Moo Zoo zaj 14 qib 1 txog qib 12 los xaus li no xwb. Thov peb khaws Yes Xus lo lus no tseg mog !
“Leej twg pom kuv, tus ntawd kuj pom Leej Txiv.” “Leej twg ntseeg txog kuv, tus ntawd yuav ua cov hauj lwm kuv ua thiab tseem yuav ua tej yam loj dua.”
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Lwm zaus peb mam sib ntsib dua, nyob zoo nej sawv daws
Zaj ntawv Moo Zoo hnub no yog los ntawm cov lus qhuab qhia thawj zaug uas Yes Xus hais nyob hauv pluas mov kawg. Tom qab Yus Das tawm mus kom tau npaj ua phem, mas cov lus qhuab qhia no raug hu ua cov lus qhuab qhia sib ncaim, vim cov lus qhuab qhia no zoo li Yes Xus xav qhia txog qhov kawg ntawm nws, ua ntej nws yuav mus ntsib kev txom nyem thiab kev tuag.
Kev ntseeg kom peb ua tib zoo xav txog cov lus qhuab qhia no tom qab lub Caij Hla. Yog qhov zais ntshis yuav raug nthuav tawm thiab muaj txiaj ntsim qab hau. Yes Xus cov lus hais hauv pluas mov kawg, tsis yog hais rau cov Thwj Tim uas lawv sib sau nyob saum txheej tsev xwb, nws yog hais txog cov Thwj Tim txhua txheej txhua tiam. Lub caij uas tsim nyog yuav rov ua tib zoo xav txog cov lus no, yog lub Caij Hla.
Zaj ntawv Moo Zoo hnub no yog pib ntawm lo lus uas tej zaum yuav ua rau peb nkag siab yuam kev tau. “Nyob hauv kuv txiv tsev, muaj ntau chav. Yog tsis muaj, mas kuv yuav tsis hais rau nej tias kuv mus npaj ib qho chaw rau nej. Thaum kuv mus npaj tau ib qho chaw rau nej lawm, kuv yuav rov los coj nej mus nyob ze kuv, kom xwv kuv nyob qhov twg, nej nrog kuv nyob qhov ntawd.”
Saib zoo li Yes Xus hais tias txog lub caij lawm uas nws yuav nce mus saum Ntuj. Thiab nws cog lus tias yuav mus npaj ib qho chaw rau nws cov Thwj Tim. Cov lus no tsis txaus siab pes tsawg, vim peb ntseeg tias txhua yam nyob saum ntuj ntawd npaj txhij los ntev lawm. Thiab tej kev xav hais txog lub rooj zaum, nws zoo li tus txheej txheem ntawm cov paj tshab. Nws yog qhov txhawj xeeb, vim qee leej yuav tsis muaj lub rooj zaum ntawd, nws tsis yog qhov zoo siab. Yes Xus hais tias nws yuav taug txoj kev txom nyem, thiab hais tias phim cov Thwj Tim paub txoj kev no zoo. Vim nws tau hais txog txoj kev no ntau zaus. Tos Mas teb ua sawv daws tug tias :
“Huab Tais, peb tsis paub txoj kev. Peb yuav ua cas paub tias koj mus qhov twg ?”
Yes Xus hais tias ; nws yuav xub taug txoj kev ntawd ua ntej. Tom qab thaum nws cov hauj lwm tiav tas, nws yuav rov los thiab coj cov Thwj Tim mus nyob ze nws. Nws pub lub peev xwm thiab lub zog rau lawv, kom lawv tuaj yeem mus raws nws tus neev taw tau. Tam sim no txoj kev ntawd meej tseeb lawm. Qhov ntawd yog kev mus rau lub Caij Hla. Yog txoj kev txom nyem, vim yuav tsum txo txoj sia. Yes Xus hais txog zaj no ntau zaus, tab sis cov Thwj Tim kheev kheev ua xyem xyav thiab tsis nkag siab. Thaum Yes Xus hais txog ‘qhov paj tshab ntawm txoj sia’, mas lawv nyias khiav nyias thiab xav txog lwm yam. Ntawm lo lus no, thiaj muaj lo lus nug txog qhov chaw hauv Leej Txiv tsev ntau kawg. Nws kuj meej tseeb ib yam. Tus xaiv taug txoj kev Yes Xus taug, yuav pom tias nws nyob hauv Tswv Ntuj lub Ceeb Tsheej, nyob hauv Leej Txiv lub tsev. Lub tsev no tsis yog Ceeb Tsheej, tab sis yog cov neeg ntseeg. Nyob ntawd muaj chaw ntau. Nyob ntawd muaj kev ua tub txib, thiab muaj hauj lwm ntau kawg yuav ua.
Muaj ntau txoj kev uas qhov paj tshab ntawm txhua tus txoj sia yuav tawm meej tseeb, nyob ntau qhov chaw. Qhov no yog txhua yam hauj lwm. Txhua tus raug hu kom siv nyias lub peev xwm. Cov paj tshab uas tau txais los ntawm Tswv Ntuj, yog kom pab yus cov txheeb ze. Los txog rau Vas Tis Kas Ob, cov neeg ntseeg tsis tau txais kev tuav xam tias yog lub Koom Txoos cov tim xyoob siab kub lug. Lawv tsis muaj feem cuam txog lub Cim Yug. Lawv tsuas yog tus pab. Lawv tsis tau koom kev rov sib haum xeeb. Lawv mus lees txhaum, lawv kheev kheev ua tus saib yam uas Txiv Plig ua ntsiag to. Hnub no peb nkag siab lawm tias ; cov neeg ntseeg txhua tus yuav kub siab lug, tsis yog vim tsis muaj Txiv Plig, tab sis yog lawv muaj hauj lwm yuav tsum ua nyob hauv cov neeg ntseeg.
Yes Xus hais tias ; hauv kev ua ntawm yus txoj kev ntseeg ntawd, tsis muaj cai yuav khib los ntxub. Vim cov hauj lwm los kev ua tub txib rau yus cov txheeb ze ntawd muaj ntau. Tsuas muaj tus uas ruaj nreb rau lub neej tshiab ntawm tus sawv rov los muab xwb, thiaj nyob tau ntsiag to. Hauv cov hauj lwm zej zog yuav raug ntaus nqi raws lub hwj chim, lub meej mom thiab cov nyiaj uas tau txais.
Lo lus nug uas nug tias : “Koj ua hauj lwm dab tsi ?” Thiaj yog qhov tias : “Koj tau nyiaj npaum li cas ?” Tab sis txoj hauj lwm uas Yes Xus npaj tseg rau txhua tus ntawd, nws raug ntaus nqi raws kev ua tub txib. Txoj hauj lwm zoo tshaj, yog kev ua tub txib rau yus cov txheeb ze thiab ua kom zoo tshaj.
Lo lus no yog thov kom peb soj ntsuam txog lub neej hauv zej zog. Cov tim xyoob uas muab siab rau muaj pes tsawg feem pua ? Puas muaj tej lub luag hauj lwm uas tsis muaj leej twg xav lees txais ? Puas muaj kev sib tw lees txais qee yam hauj lwm ? Hauv cov hauj lwm uas Yes Xus npaj tseg, puas muaj hauj lwm los tsis muaj ? Puas muaj cov neeg tsis muaj hauj lwm ua ? Vim dab tsi ?
Feem ob ntawm zaj ntawv Moo Zoo hnub no, yog txij qib 8 mus txog qib 12.
Fis Lis Pos hais tias : “Huab Tais, thov koj pub peb pom Leej Txiv, mas peb siab thiaj nqig.” Mais Xes hais rau Tswv Ntuj tias : “Thov koj pub kuv pom koj lub hwj chim.” Tswv Ntuj teb tias : “Koj yuav pom kuv lub ntsej muag tsis tau, vim tias leej tib neeg pom tsis tau kuv lub ntsej muag yog nws tseem muaj txoj sia.”
Tab txawm lawv paub tias pom Tswv Ntuj tsis tau, tsis kav cov His Xas Lais coj nruj kuj tseem thov ntxiv mus tias : “Kuv nrhiav koj lub ntsej muag. Huab Tais, koj txhob thaiv koj lub ntsej muag rau kuv. Kuv tus plig nqhis tus Tswv Ntuj muaj txoj sia. Thaum twg kuv mam tau mus pom nws lub ntsej muag.” Fis Lis Pos saib zoo li nws paub qhov tib neeg xav nyob hauv nruab siab no, nws paub tias tsis muaj leej twg tau pom Tswv Ntuj ib zaug. Vim Tswv Ntuj nyob hauv qhov pom kev uas chaws mus tsis txog. Tsis muaj leej twg tau pom los yog pom tau. Tab sis nws kuj nco txog txoj hmoov zoo uas hais rau cov neeg siab huv tias ; lawv yuav tau pom Tswv Ntuj. Nws ntseeg tias Yes Xus yuav pub yam nws xav tau. Li ntawd, nws thiaj thov yam uas Mais Xes thiab tus sau Nkauj Paj Nruag tau hais tseg. Hauv Yes Xus cov lus teb, ua kom pom txog txoj kev uas yuav pom Tswv Ntuj. Peb yuav tsum saib Yes Xus cov hauj lwm. Yes Xus yog neeg lub ntsej muag uas qhia txog Tswv Ntuj, kom muaj kev sib raug zoo, kev phooj ywg thiab muaj feem cuam nrog neeg lub neej. Yes Xus yog tus Tswv Ntuj uas qhov muag pom tsis tau tus duab. Nws yog tus xub yug ntawm txhua tsav txhua yam uas ntuj tsim. Nws yog Tswv Ntuj lub hwj chim ci ntsa iab, yog Tswv Ntuj tus duab. Hauv kev paub Leej Txiv, tsis tas yuav siv laij thawj. Nws tsis tsim nyog yuav sib cav sib ceg txog tej kev xav, tsuas yog xav txog Yes Xus thiab saib yam nws ua, yam uas nws hais thiab yam uas nws qhia. Qhov nws coj, qhov nws nyiam thiab hlub. Leej twg yog tus Yes Xus nyiam, leej twg yog tus Yes Xus xav ua phooj ywg nrog. Leej twg yog tus Yes Xus hlub plhws thiab cia nws plhws Yes Xus. Leej twg yog tus Yes Xus faib mov rau noj, leej twg yog tus Yes Xus xaiv, leej twg yog tus Yes Xus kiam, leej twg yog tus Yes Xus txuag pov hwm xwb txaus lawm. Cov Cim no yog yam uas Leej Txiv ua. Cov hauj lwm Yes Xus ua ntawd, yog Leej Txiv cov hauj lwm.
Muaj ib zaug uas Leej Txiv nthuav tawm nws lub ntsej muag tas nrho. Qhov ntawd yog nyob saum Ntoo Cuam. Qhov ntawd yog nthuav tawm nws txoj kev nyiam kev hlub rau ib tsoom neeg. Nyob ntawd Tswv Ntuj lub koob meej tawm tuaj zoo nkauj tas nrho. Nyob ntawd Tswv Ntuj qhov pom kev ci pom kev kawg. Yes Xus hais meej tseeb tias :
“Leej twg pom kuv, tus ntawd kuj pom Leej Txiv.” Tab sis kev pom no tsis yog hais txog cov tau pom tej xwv txheej ntawd. Qhov tseeb tiag kev ua li no yog qhov uas Yes Xus ua xwb. Yam uas tsim nyog yog lub zeem muag hauv kev ntseeg. Lub zeem muag uas tuaj yeem ntsia pom txog sab nraud. Lub zeem muag uas nkag siab txog Tswv Ntuj kev nthuav tawm nyob hauv Yes Xus cov hauj lwm. Kev ntsia pom li no nws zoo ib yam li kev ntseeg. Leej twg kuj xij uas pom Leej Txiv nyob hauv Yes Xus, leej twg kuj xij uas tso siab rau Yes Xus thiab zoo siab muab nws txoj sia cev rau Yes Xus, tus ntawd yuav ua cov hauj lwm Yes Xus ua thiab ua tej yam loj dua ntawd. Tsis yog hwj huam yees ntxwv, tab sis yog kev muab tus kheej tso tag nrho rau kev nyiam kev hlub.
Leej Txiv yuav ua cov hauj lwm kev nyiam kev hlub nyob hauv Yes Xus rau nws cov Thwj Tim ntxiv mus.
Kwv tij Hmoob sawv daws ! Hnub no peb tham txog Zam ntawv Moo Zoo zaj 14 qib 1 txog qib 12 los xaus li no xwb. Thov peb khaws Yes Xus lo lus no tseg mog !
“Leej twg pom kuv, tus ntawd kuj pom Leej Txiv.” “Leej twg ntseeg txog kuv, tus ntawd yuav ua cov hauj lwm kuv ua thiab tseem yuav ua tej yam loj dua.”
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Lwm zaus peb mam sib ntsib dua, nyob zoo nej sawv daws !
