Lub Koom Txoos Kav Tos Liv nyob Is Ntias thov txais kev pab, kom tau coj mus pab cuam cov neeg raug dej nyab hauv lub xeev Assam.

Dej nyab ua rau muaj neeg tuag 87 leej thiab cov tau txais kev kub ntxhov muaj tshaj 128 txhiab leej. Dej nyab vim ntuj los nag loj heev hauv lub 7 hli tas los.
Hauv kev tshaj tawm hnub tim 3 lub 8 hli, mas Tswv Qhia Anthony Poola uas nws
yog tus thawj tswj cov Tswv Qhia Kav Tos Liv nyob Is Ntias teb (CBCI), thiab Tswv
Qhia Linus Neli tus thawj tswj Catitas nyob Is Ntias teb, thov kom cov Cheeb Koom
Txoos, cov Koom Haum Kav Tos Liv thiab cov neeg ntseeg sib pab cuam rau cov hauj
lwm pab neeg, kom tau coj mus pab txhim kho dawb huv tiag.
Dej nyab tau ua rau ntau ntxhiab tsev neeg khiav tawm. Lawv tej vaj tse, tej liaj teb,
kev tsheb, tsev kawm ntawv thiab tej chaw hauv zej zog piam sij tas. Tam sim no muaj
11,000 tus neeg tseem nyob hauv tseem hwv lub yeej tos txais. Lub Cheeb Koom Txoos
Dibrugarh tau thov kev pab, kom tau coj mus pab cov tsev neeg uas raug dej nyab ua
tsev tshiab, txhim kho lub neej thiab yuav ntaub ntawv rau cov me nyuam kawm ntawv
hauv lub caij uas tsev kawm ntawv kaw tas.