Lub Koom Haum Caritas Khas Phus Chas, tau muab siab rau pab cov neeg thoj nam nyob ntawm ciam teb Thaib thiab Khas Phus Chas
Lub Koom Haum Caritas Khas Phus Chas tau koom tes nrog cov thawj tswj xeev thiab cov thawj coj hauv zej zog, ua cov hauj lwm pab cov neeg thoj nam ntau txhiab leej nyob ntawm Thaib thiab Khas Phus Chas ciam teb. Hnub tim 25-26 lub 8 hli tag los, lawv tau faib dej haus thiab ua tsev plob rau 6,194 yim neeg thoj nam. Caritas tseem tau pab dej haus, kev ntshiab huv thiab chaw nyob chaw pw rau 10 lub yeej thoj nam nyob ib cheeb tsam ntawd. Cov hauj lwm no muaj cov thawj coj ntawm lub Koom Txoos thiab cov neeg ntseeg sib koom tes. Yog ib feem hauj lwm pab kev puas tsuaj raws ciam teb Thaib thiab Khas Phus Chas, los ntawm lub Koom Haum Caritas Khas Phus Chas. Uas pib txij lub 8 hli txog lub 10 hli xyoo 2025. Cov hauj lwm no yog taw mus rau kev pab chaw nyob, dej haus thiab kev ntshiab huv. Nrog rau cov hauj lwm txhawb nqa cov me nyuam, xws li ua tsev kawm ntawv thiab tsev saib ntawv nyob hauv cov yeej thoj nam.
