Kev cog lus hauv kev sib tham los ntawm kev nyiam kev hlub hauv ntiaj teb qhov tsaus ntuj
Hauv lub caij ntiaj teb qhov tsaus ntuj hauv kev tsis haum xeeb tab tom tsaus nti, kev sib ntsib nyob Thaib qaum teb tau qhia qhov pom kev rau txoj cai hauv tsov rog.
Txij hnub tim 20-22 lub 2 hlis, thaum ntiaj teb tab tom ntsia ntsoov kev chim siab uas heev zuj zus ntawm His Xas Lais, As Mes Lis Kas thiab Is Laas. Mas lub tsev kawm ntawv txheej siab nyob hauv lub xeev Lamphun tau tsa lub rooj sau siab Focorale Thailand, hauv lub npe “Kev sib tham yog lub neej.”
Thaum ntiaj teb lub sam thiaj muaj kev sib cav sib ceg, mas muaj cov tuaj sib koom li ntawm 100 leej. Xws li cov hauj sam, cov poj hauj sam, cov Txiv Plig thiab cov tub kawm. Lawv tuaj sib koom ua ke kom tau zeem tseeb txog txoj kev ntseeg, thaum ua lub neej hauv kev sib koom ua ib tug.
Kev sib koom ua ib tug tseem yog qhov cuab yeej muaj zog hauv kev thaj yeeb. Kev sau siab zaum no yog zoo li lub qhov rais qhib kom pom txog Loppiano, uas yog lub nroog me me ntawm Focolare nyob ze lub nroog Florence nyob Is Tas Lias teb. Loppiano txhim tsa los ntawm Chiara Lubich hauv xyoo 1964. Yog qhov chaw ntiaj teb ua hauj lwm hais txog kev nyob ua ke. Tus kws txuj Kraisorn tau faib nws tej kev paub hauv kev ua lub neej nyob ua ke nrog Focolare cov neeg. Kev sib ntsib zaum no ua kom pom txog ‘tus qauv hauv kev nyob ua ke.’ Lub neej kev ua hauj lwm, kev kawm ntawv thiab kev teev Ntuj puav leej yog hais txog lub hom phiaj ntawm kev sib koom tes. Nws txawv kev sib tawg uas zim txwv no tab tom tshwm sim nyob As Xias nrab.
