Tshwj tsis yog tias muaj kev txiav txim los ntawm Tswv Qhia, lub Koom Txoos yuav tsis tshaj tawm hais txog txhua yam tshwm sim hauv ntiaj teb no ntxiv. Tab sis yuav lees txais txhua yam nyob hauv kev qhia nyob thoob As Xias.
Vim txoj kev maj, cov Tswv Qhia hauv zej zog muab siab rau txog kev qhia kev ntseeg uas pib hauv lub caij thiab lees txais txog kev ua ntawm Leej Ntuj Plig Ntshiab. Tsis hais nyob hauv kev tsim koob hmoov los sis kev tshaj xov xwm.
Yam tshwm sim uas hais no, yog tau txais lus kheev los ntawm Vaj Qhia Fas Ntshis Kus thiab kev tshaj tawm ntawm Vas Tis Kas. Lees paub tus txheej txheem tshiab thiab ntau zaus cov teeb meem no coj kom peb mus txog kev nplua nuj ntawm fab ntsuj plig. Txoj kev ntseeg loj hlob, kev muab tus kheej los ua hauj lwm, kev ua kwv ua tij thiab kev pab luag tej. Txhua yam no ua kom muaj tsev teev Ntuj nyob thoob ntiaj teb ua qhov chaw tseem ceeb ntawm txoj kev ntseeg thiab yog qhov tib neeg feem coob nyiam nyob hauv zim txwv no.
Txoj cai tshiab no sau npe los ntawm Tswv Qhia Victor Manuel Fernandez uas yog tus thawj tswj thiab tus lwm thawj tswj uas yog Tswv Qhia Armando Matteo. Txoj cai tshiab no yuav pab txuag kev ncaj ncees ntawm lawv kom muab siab rau xwm yeem txog qhov Tswv Ntuj nyob nruab nrab hauv peb. Pab txuag cov neeg ntseeg kom dim ntawm txhua yam kev haub ntxias.
