Cov tub tshaj Ntuj Lus Online neeg As Xias muab qhov hais txog kev tso tseg fab ntsuj plig, txoj hau kev ntawm kuv mus rau lawv, thiab kev ua neeg zoo hauv 3 yam kev tshawb fawb.
Hauv kev sau siab txog 3 yam hnub tim 11 lub 9 hlis, nyob hauv lub nroog Quezon City teb chaws Fis Lis Pees. Kev sau siab no yog ib feem hauv lub rooj sab laj cov tub tshaj Ntuj Lus Online nyob As Xias uas npaj nyob hauv hnub tim 10-13 lub 9 hlis, hauv Radio Veritas Asia qhov chaw ua hauj lwm loj. Muaj cov tub tshaj Ntuj Lus Online Kav Tos Liv, muaj cov tub xov xwm, cov sau cov ntsiab lus thiab cov muaj hwj chim fab kev ntseeg nyob thoob As Xias teb tuaj koom li ntawm 100 tawm leej. Lub rooj sau siab no yog lub pwm tsav cov Tswv Qhia As Xias (FABC-OSC) thiab Radio Veritas Asia koom nrog Vas Tis Kas lub pwm tsav sib xa xov Fully Present ua tus npaj hauv lub ntsiab lus tias : “Ntawm cov muaj hwj chim mus txog cov pov thawj ; lub pwm tsav txoj kev rau cov hauj lwm Online nyob As Xias.” Tau txais lub zog txhawb siab nyob hauv ntawv Hauj Lwm zaj 4 qib 20. Cov tuaj sib koom raug faib ua 3 pab kom tau kawm txog kev tshawb fawb ua ntej yuav muab lawv tej kev pom zoo los sau ua ke hauv zaum kawg, nyob hauv Vaj Qhia Zam Paj Lug Ob kem tsev sab laj.
Ntawm lub hwj chim mus rau kev tso tus piv txwv dawb huv.
Thawj pab yog kawm txog tus piv txwv kev tshawb fawb “tus Txiv Plig muaj hwj chim” uas los ntawm Edwin Lopez nyob Fis Lis Pees teb tuaj. Yuav siv kev tshawb fawb ntawm Txiv Plig Alberto Rayagnani tus tuaj koom uas tau soj ntsuam tias kev xa xov nyob Online lub hom phiaj yog tshaj lub Moo Zoo. Maj mam pauv ntxeev tus yam ntxwv thiab teeb qhov tseem ceeb ntawm cov tub tshaj Ntuj Lus tau li cas ?
Nyiaj txiag, kev muaj koob nto npe, lub suab npe nrov, lub sij hawm thiab kev cia siab ntawm cov neeg saib. Tuaj yeem pauv ntxeev cov hauj lwm Online kom rais ua kev quab yuam los kev quav. Thaum kev sib piv thiab kev nrhiav Algorithms ua rau cov tub tshaj Ntuj Lus tsis nyiam lawv txoj hauj lwm. Cov tuaj koom hais tias ; kev tso tus kheej rau nruab nrab hauv kev dawb huv, yog lub tswv yim ruaj khov, uas xav tias cov tub tshaj Ntuj Lus tsis yog cov hauj lwm tus tswv, tab sis muaj feem cuam hauv Tswv Ntuj cov hauj lwm. Kev tuav xam xwm yeem, kev ua neeg me, kev muab kev tuav xam, kev sib tham tseeb tiag thiab kev cog nyob hauv zej zog raug hais tias yog twj tiv thaiv kom txhob pub cov platform digital teeb cov tub tub tshaj Ntuj Lus tus yam ntxwv.
Txij ntawm kuv mus rau lawv.
Pab ob tau soj ntsuam kev tshawb fawb ‘tus muaj hwj chim fab digital neeg Africa’ uas los ntawm Michael Unland nyob Zes Mas Nias teb tuaj. Kev sib tham taw mus rau cov hauj lwm pib cov tub ntxhais hluas thiab kev ntseeg Online ntawm Synodal nyob Africa (ASDYFI). Yog kev sib raug zoo ntawm yam muaj txoj sia txuas nrog cov tub ntxhais hluas li ntawm 200 leej uas ua hauj lwm ua ke thiab sib faib cov ntsiab lus nyob hauv Online. Cov tuaj koom ntsia pom tias cov hauj lwm pib no yog tus piv txwv uas siv tau nyob As Xias. Xeem lus, kab lis kev cai thiab qhov tseeb hauv cov zej zog uas muaj ntau yam sib txawv ua rau kev ua hauj lwm ua ke tseem ceeb rau cov hauj lwm digital. Lawv txaus siab rau qhov uas tus hluas txheej tshiab neeg Africa hla dhau cov hauj lwm Online mus rau kev ua tseeb tiag, nrog rau kev nrhiav txhiam xws thiab pab cov pej xeem hauv kev sib tham ntiag tug. Kev sib tham tau ua rau cov tub tshaj Ntuj Lus Online hloov ntawm kuv mus ua lawv. Ntawm kev txhawb nqa tus kheej mus txog kev piav txog lwm tus. Tshwj xeeb tshaj yog cov tsis muaj zog, cov pluag txom nyem, cov nyob twj zeej thiab tsis muaj leej twg hnov lub suab.
AI tsim nyog ua kom peb tsheej neeg dua qub.
Pab peb tau kawm txog kev tshawb fawb ‘AI Priest’, uas los ntawm Peter Monthienvichienchai nyob Thaib teb tuaj. Kev sib tham tau hla dhau yam uas AI ua tau mus txog lo lus nug tob dua ntawd. Peb tab tom rais ua tus neeg zoo li cas los ntawm AI ? Cov tuaj koom hais tias ; AI tsim nyog ua hauj lwm rau lub meej mom kev ua neeg, kev sib raug zoo tseeb tiag thiab sawv daws li txiaj ntsim qab hau. Phim Technology yuav pab kom neeg loj hlob hauv kev nyiam kev hlub, kev thoob tsib, lub tswv yim txhim kho, kev lees paub thiab kev ua hauj lwm. Zoo dua yuav ua kom kev sib raug zoo tseeb tiag ntawm tib neeg qaug zog.
Qhov yuav mus tau ntawm AI Priest, tseem ua kom muaj cov lus nug hauv kev ntseeg thiab kev saib xyuas ib tsoom neeg thiab. Tab txawm AI muab cov ntsiab lus los yog qhia cov neeg siv kom paub txog Ntawv Ntshiab thiab kev ntseeg ntawm lub Koom Txoos tau, tsis kav cov tuaj koom sau siab hais tias ; kev ua yaj saub tsis tuaj yeem txo kom tshuav tej hauj lwm xwb. Yaj saub yog tus neeg uas raug hu thiab tau txais kev teeb tsa raws cov Cim Ntshiab kom ua tub txib rau Tswv Ntuj haiv neeg. Hauv pab ntawd tseem tau sib tuav xam txog qhov laij thawj ntawm qee pab tub ntxhais hluas uas tso siab rau AI heev zuj zus, hais txog kev kho siab, kev sib raug zoo, kev ua xyem xyav thiab kev ntseeg. Tiag tiag mas tsim nyog tsis lees AI. Cov tuaj koom sau siab hais tias AI tuaj yeem rais ua tus choj tuam mus rau kev pab neeg. Coj neeg hauv kev txais cov ntsiab lus thiab kev mloog mus txog kev ua tib zoo xav thiab qhov kawg mus txog Txiv Plig, cov niam cov txwv, cov pab tuav xam thiab cov neeg ntseeg.
Sib koom kev taw qhia.
Tom qab sib tham 3 zaug tas, cov sawv cev tau muab lawv tej kev xav los sau ua ke hauv Vaj Qhia Zam Paj Lug Ob kem tsev sau siab, kom tau xaus nqes lus kawg. Kev sib tham tau ua kom pom txog kev sau siab txoj kev dav tuaj. Kev hloov lub hwj chim mus ua pov thawj. Hais txog cov tub tshaj Ntuj Lus Online nyob As Xias, mas nov yog hais txog kev xyaum tso tus kheej nyob nruab nrab thaum cov platform hem tias yuav hloov lawv tus kheej. Kev hloov ntawm kuv mus rau lawv, uas yog tso lwm tus nyob nruab nrab hauv kev sib tham, thiab ua kom ntseeg tau tias AI tseem yog yam twj rau tib neeg kev vam meej. Qhov kawg 3 yam kev tshawb fawb puav leej yog hais txog cov hauj lwm hauv digital, tsis tau hais txog cov neeg raws qab, tsis tau hais txog Algorithms los lub hwj chim ntawm leej tib neeg. Tab sis yog hais txog Yes Xus Pleev, cov neeg ntseeg, lub meej mom hauv kev ua neeg thiab kev ua pov thawj tseeb tiag.
