Cov tub ntxhais hluas Is Ntias txhawb kev ntseeg thiab kev saib xyuas zej zog nyob nruab nrab hauv Is Ntias teb.
Ankita Tigga uas nws yog ib tug tim xyoob hauv lub teb chaws ntawm cov tub ntxhais hluas Kav Tos Liv Is Ntias, yog tus thawj coj hauv kev qhuab qhia, kev hu nkauj nrog tus yam ntxwv thiab kev sib tham pab pawg. Nws qhia cov tuaj sib koom kom paub txog ‘kev saib, kev tuav xam thiab kev ua.’ Uas txhib kom lawv xav txog yam lawv paub nyob hauv lub neej niaj hnub, xav nyob hauv kev ntseeg thiab ua los ntawm kev ua uas muaj txiaj ntsim qab hau. Kev sau siab zaum no nrog rau lub thaj txi Ntuj uas yog Txiv Plig Nabor, OSB ua tus coj. Thiab Txiv Plig R. Lourdu Nathan uas yog tus thawj coj cov tub ntxhais hluas, tau txhib kom cov tub ntxhais txhawb nqa kev sib raug zoo nrog Yes Xus thiab ua tawm lawv txoj kev ntseeg nyob hauv kev nyiam kev hlub, kev txawj xaiv, kev sib raug zoo thiab kev ua hauj lwm.
Leej Phauj Anjali Nayak ntawm lub Koom Haum Leej Phauj Teresa hais tias : “Kev qhuab qhia cov tub ntxhais hluas, yuav tsum ua hauv yam tseeb tiag uas zim txwv no cov tub ntxhais hluas ntsib. Nrog rau kev pauv ntxeev sai nyob hauv zej zog. Kev muaj ntau txoj kev ntseeg. Technology digital lub zog thiab tej kev sib tw.”
Nws hais tias : “Kev qhuab qhia cov tub ntxhais hluas yuav tsum mus deb dua kev qhia thov Ntuj thiab kev qhia kev ntseeg. Nws yuav pab kom cov tub ntxhais hluas ntsib Yes Xus hauv qhov tseeb ntawm lawv lub neej niaj hnub.” Leej Phauj hais ntxiv tias : “Lub Koom Txoos yuav txhawb nqa cov hluas kom ua pov thawj hauv kev cia siab, kev thaj yeeb thiab kev ua hauj lwm hauv zej zog. Cov hauj lwm no pub lub caij kom muaj kev teev Ntuj, kev rov xav txog, kev muaj feem cuam thiab kev xyaum kom txawj ua ke. Ua ke ntawd kuj txhawb nqa kev muaj feem cuam ntawm cov tub ntxhais hluas lub neej thiab lub Koom Txoos cov hauj lwm kom ntau tuaj.”
Wilson ICYM tus tshaj lus ntawm lub Cheeb Koom Txoos, Avita Lakra tus qub lwm thawj tswj ICYM hauv lub Cheeb Koom Txoos thiab cov Leej Phauj coob leej kuj txhawb nqa cov hauj lwm no.
