Cov tub ntxhais hluas hnub nyob ntiaj teb nyob Xes Us 2027. Nrhiav cov Koom Haum xov xwm Kav Tos Lis nyob thoob ntiaj teb tuaj sib sau SIGNIS lub rooj sab laj nyob Rwanda.
Txiv Plig Jaehyup Lee hais nyob hauv lub rooj sab laj SIGNIS World Congress, hauv lub nroog Kigali hnub tim 5 lub 8 hli no tias :
“Tej hauj lwm no yuav txuas nrog cov tub xov xwm Kav Tos Liv, cov rooj ntawv xov
xwm, cov Platform Digital thiab kev tso xyam tawm raws cai. Cov ntaub ntawv uas
raug soj ntsuam thiab cov ntsiab lus los ntawm cov tub ntxhais hluas hnub, yuav npaj
nyob hauv hnub tim 3-8 lub 8 hli xyoo 2027.”
Nws rov hais tias ; cov hauj lwm pib no lub hom phiaj yog ua kom cov tub ntxhais hluas
tau hnov txog cov tub ntxhais hluas hnub nyob hauv nyias xeem lus. Tsis tas li ntawd,
kuj pab kom cov tsev teev Ntuj hauv zej zog tau pom cov zaj, cov lus piav thiab tej lus
thov Ntuj. Tsim kev sib pauv nyob thoob ntiaj teb uas tsis yog xov xwm nkaus xwb.
Kev tshaj tawm zaum no tshwm sim thaum cov ua tswv cuab suav hnub nyoog txwm
xyoo ntawm cov tub ntxhais hluas hnub nyob Xes Us xyoo 2027, uas tshaj tawm tias
kev npaj thawj qib tiav lawm. Nrog rau kev tos txais cov neeg tawm rooj fiv Ntuj, kev
thauj neeg mus los, kev thaj yeeb nyab xeeb, kev kho mob thiab kev sib xa xov.
Tswv Qhia Soon-taick Chung nyob Xes Us hais tias : “Xyoo uas los yuav txog no yog
hais txog kev npaj tos txais cov neeg tawm rooj fiv Ntuj nyob thoob ntiaj teb kom zoo
tshaj plaws.” Cov tswv cuab tseem hais txog zaj nkauj qhib cov tub ntxhais hluas hnub
tias ; yog zaj nkauj ‘Confidite, Ego Vici Mundum.’ Txhais tias ‘Muaj peev xwm ! Kuv
tau yeej lub ntiaj teb lawm.’ Yog xaiv los ntawm 434 zaj nkauj uas raug xa tuaj.
Kev npaj koob tsheej xyoo 2027, yog cov tub ntxhais hluas hnub nyob ntiaj teb thawj
zaug uas muaj nyob As Xias. Suav txij thaum Mas Nis Las tau ua tswv cuab hauv xyoo
1995 los txog tam sim no, thiab yog thawj zaug nyob hauv lub teb chaws uas cov neeg
ntseeg yog haiv neeg tsawg. Txiv Plig Lee hais tias : “Lub koob tsheej no yuav hais txog ntau yam ntawm cov Kav Tos Liv nyob As Xias, kev sib tham ntawm cov kev teev
hawm thiab kev mus kev ua ntu zus ntawm Kos Lim Naj hauv kev thaj yeeb thiab kev
sib haum xeeb.”
Kev sau npe ntawm cov tawm rooj fiv Ntuj, yuav qhib sau npe hauv lub 10 hli 2026,
thiab kev txais cov neeg pab ua hauj lwm yuav pib txais rau lub qab xyoos no.
