Cov Tswv Qhia Fis Lis Pees thov kom muaj kev pov hwm cov neeg zej zog kom nruj, hauv kev xav tau yam tseem ceeb ntawm lub cev txhab ntxiv.
Hauv kev sib tham Hnub Chiv ntawm cov neeg nyob hauv nroog hnub tim 11 lub 10 hli no, cov kav xwm ntawm cov Tswv Qhia fab zej zog thov kom muaj kev txuag pov hwm nruj dua qub. Kev muaj feem cuam hauv zej zog tiag tiag, hwm kev xub pom zoo ua ntej thiab tau txais tej ntaub ntawv txhij vog. Yav tom ntej tsis tuaj yeem tsim nyob hauv kev tsis ncaj ncees tau, kev pom zoo thiab tau txais tej ntaub ntawv txhij. Kev txuag yam muaj txoj sia thiab kev muaj feem cuam ntawm zej zog yog qhov muaj txiaj ntsim qab hau, yog qhov tsis muaj tsis tau.
Kev tsuj xeeb ntawm lub teb chaws npaj nyob Sitio Bacao hauv lub nroog Palayan, lub xeev Nueva Ecija, hauv lub ntsiab lus ‘sib koom mus kev nrog cov neeg zej zog, kev hwm yam Tswv Ntuj tsim thiab txoj cai ntawm yam ntuj tsim.’ Cov kav xwm ntxhov siab txog kev khawb qhov ntxhia, cov koom haum lim ntxhia thiab tej yam loj uas tseem nam tej poj yawm txwv koob tej av, tej hav zoov, tej dej ntws thiab lub neej qub qub. Dhau no lawm tseem hais txog kev kub ntxhov uas tsis zoo hauv huab cua kev pauv ntxeev hauv cov neeg zej zog, nrog rau dej nyab, ntuj qhuav, txhua yam nyob ib puag ncig piam sij thiab kev tsiv teb tsaws chaw.
Cov Tswv Qhia tau hais txog kev txhawj xeeb 4 yam, xws li kev txuag zej zog thiab yam muaj txoj sia hauv zej zog, kev daws teeb meem fosil thiab huab cua kev pauv ntxeev. Kev tsim kev cia siab hauv kev pauv ntxeev los ntawm lub zog ncaj ncees, kev tsim kev dawb huv thiab kev lees txais hais txog saib xyuas txhua yam nyob ib puag ncig. Lawv hais tias : “Kev nyiag noj nyiaj, kev yuam siv txoj cai txhua yam nyob ib puag ncig muag, thiab kev tuav xam tsis txaus, qhov chaw rhuav tshem yam muaj txoj sia thiab lub meej mom hauv kev ua neeg.” Pab kav xwm thov kom tseem hwv txhawb nqa txoj cai ntawm cov neeg hauv zej zog, siv txoj cai txuag txhua yam nyob ib puag ncig thiab tsim kom muaj kev cia siab tias ; zej zog yuav muaj feem cuam hauv kev txiav txim siab fab kev txhim kho. Kev tsuj xeeb no tseem hais txog cov yim neeg Ayta uas khiav tsiv teb tsaws chaw, vim roob hluav taws tawg nyob Pinatubo xyoo 1991. Tom qab no lawv tau rov los nyob tshiab hauv lub xeev Nueva Ecija, uas tau txais kev txhawb nqa los ntawm lub Koom Txoos. Zej zog tau cog ntoo, ua vaj thiab ua tej yam kom tau nyiaj. Pab kav xwm hais tias :
“Zaj hais txog lawv yog ua puav pheej ntawm kev ruaj khov thiab kev cia siab.” Kev tsuj xeeb xaus rau kev cog ntoo hauv zej zog thiab cog hom ntoo nyob txawm ze lub lub Cheeb Koom Txoos Bacao. Yog lub Cim ntawm kev sib koom siab thiab kev saib xyuas txhua yam nyob ib puag ncig. Cov Tswv Qhia hais tias :
“Cov hauj lwm no yuav tsum nthuav dav kom dhau lub Cim hauv kev txhawb nqa ua ntu zus thiab kev ua ncaj ncees. Kev sib tham no yog los ntawm Tswv Qhia Moises M Cuevas nyob Calapan, uas nws yog tus thawj tswj pab kav xwm thiab tus Tswv Qhia Prudencio P Andaya nyob Cabanatuan.
