Caritas Asia cog lus tias yuav pab hais txog tib neeg kev ncaj ncees ntxiv mus, tab txawm USAID tsis pab nyiaj txiag lawm kuj xij
Caritas Asia cog lus tias ; lawv yuav tsis tso tseg hais txog cov hauj lwm tib neeg kev ncaj ncees nyob ntiaj teb. Txawm tias As Mes Lis Kas lub Koom Haum txhim kho USAID txiav txim siab tsis pab nyiaj txiag lawm kuj xij.
Tus kws txuj Benedict Alo D’Rozario uas nws yog tus thawj coj Caritas Asia hais tias : kev ua li no, nws muaj qhov tsis zoo rau kev ua hauj lwm pab cov neeg thoj nam thiab cov tsiv teb tsaws chaw nyob txhua xeev ntuj. Nws tu siab txog qhov Catholic Relief Services (CRS), yuav poob peeb nyiaj txiag niaj xyoo li ntawm ib nrab hauv 1.5 plhom dos las. USAID yog fab hauj lwm tib neeg kev ncaj ncees thiab txhim kho ntawm cov teb chaws thiab yog tus cag tseem ceeb ntawm As Mes Lis Kas kev ntaus phooj ywg nrog lub Koom Txoos Los Mas Kav Tos Liv. Hauv kev pab tsoom pej xeem pluag txom nyem nyob thoob ntiaj teb.
Caritas Asia npaj tsa lub rooj sab laj nyob Thaib teb thiab Mas Les Xias teb, kom tau sib tham hais txog qhov chaw los ntawm peev nyiaj txiag, kom tau daws teeb meem hauv kev tsis muaj nyiaj hais txog txhawb nqa fab tib neeg kev ncaj ncees.
