Tom qab cov tub rog tua cov zej zog hauv lub xeev Shan, ua rau neeg tuag thiab raug mob coob leej
Xov xwm hauv zej zog hais rau Radio Free Asia hais tias : cov tub rog Myanmar rov qab mus tua lub zos Myo Thit, uas nyob hauv lub nroog Namhsan, lub sij hawm cov neeg tab tom tsaug zog. Cov tub rog Myanmar cia li mus tua lub zos yam sawv daws tsis nco ras txog, vim tsis muaj kev tshaj tawm hais txog sib ntaus sib tau nyob thaj tsam ntawd. Ua rau tsoom pej xeem tej vaj tse piam sij lawm 23 lub, muaj neeg tuag 2 leeg thiab raug mob kaum tawm leej. Kev kub ntxhov nyob hauv lub xeev Shan muaj heev zuj zus nyob hauv 2-3 lub lis piam dhau los no.
Lub 10 hli tag los no, muaj 3 tug tub neeg tuav riam phom ntawm cov haiv neeg tsawg tau tiv nrog tseem hwv pab tug rog 1027. Ua rau cov tub rog poob tej thaj tsam tseem ceeb thiab lawv txoj kev pauj tsis ncaj ncees. Tsis tas li ntawd, ntuj kuj los nag hlob heev thiab ua rau kev sib ntaus sib tua nyuab kawg. Tsoom pej xeem yuav tsum khiav tawm hauv lawv tej vaj tse mus. UCANews tshaj tias : muaj 600 tus pej xeem khiav mus nkaum nyob hauv lub tsev teev Ntuj thiab lub tsev kawm ntawv nyob Lashio.
