Thov kom muaj kev sib haum xeeb ntev ntev, tom qab Is Ntias thiab Pas Kis Taas tsis sib tua lawm
Tab txawm cov tseem hwv nyob New Delhi thiab Islamabad nyias khav nyias tias lawv yeej lawm, tom qab tso tseg kev sib tua nyob Kas Saws Mis. Qhov tso tseg tsis sib tua no, tau ua kev kaj siab rau tsoom pej xeem uas lawv qaug zog. Tab sis cov neeg phem tseem ua kom muaj kev ntxub ntxaug nyob hauv Socail Media. Kev chim siab hauv kev tseev tsim tseem yog qhov teeb meem hauv kev sib hais haum. Ob tog cov Tswv Qhia uas nyob ze ciam teb, tau pib tsim kev thaj yeeb thiab kev txhim kho ua ke yav tom ntej. Is Ntias lub tshaj xyam los yog TV tshaj tawm tias “Pas Kis Taas swb”. Tab sis tseem hwv Pas Kis Taas qhuas tias lawv cov tub rog yeej thiab rov khav tias lawv heev dua. Raws kev tshaj tawm ntawm CNN, tseem hwv Is Ntias thov kom As Mes Lis Kas nkag los cuam tshuam thiab cheem kev sib tua rog. Tab sis yog qhov Is Ntias tus thawj pwm tsav Modi thiab lwm cov tub soj ntsuam tsis paub tias, cov tub rog Pas Kis Taas tau txais kev txhawb nqa los ntawm Suav. Vim li ntawd, thiaj pom tias nyuab kawg uas yuav tshaj tias kev tsis sib tua, tsis yog kev yeej. Kom ua kev txaus siab rau cov suab feem ntau uas yog cov His Ntus tawv ncauj.
