Thaib tus thawj pwm tsav tshiab, muab kev cia siab hauv kev thaj yeeb nrog Khas Phus Chas teb
Kev teeb tsa yawg Anutin Charnvirakul ua thawj pwm tsav ntawm Thaib, ua kom muaj kev cia siab txog kev thaj yeeb tseeb tiag raws ciam teb Thaib thiab Khas Phus Chas. Tom qab kev sib raug zoo poob qis nyob hauv ntau caum xyoo. Hauv kev sib txeeb uas ua rau ntshav nrog 5 hnub sib law.
Kev xaiv Anutin ua thawj pwm tsav, tau txais kev pom zoo thiab sov siab los ntawm cov kws soj ntsuam thiab cov thawj coj nyob Phnom Penh.
Hun Manet hais rau Anutin tias : “Kuv vam thiab cia siab tias ; hauv kev muab siab rau tsim kev sib raug zoo thiab kev sib koom tes zoo. Ob lub teb chaws cov pej xeem yuav vam meej thiab nyob thaj yeeb.”
Anutin hais tias : “Kuv pab nom yuav pib ua cov hauj lwm daws teeb meem kev kub ntxhov ntawm Thaib thiab Khas Phus Chas kom tau nyob thaj yeeb. Yuav pab daws txo kev piam sij thiab kev txom nyem ntawm ob lub teb chaws cov pej xeem.
