Cov neeg zoo ib yam xws li cov poj niam rov sib yuav, los yog cov txiv neej rov sib yuav. Hnub tim 18 lub 6 hlis no, Thaib teb yog thawj lub teb chaws nyob As Xias toob fab naj uas muaj txoj cai kheev cov neeg zoo ib yam sib yuav raug kev cai. Vim kev tawm suab pom zoo hauv lub pwm tsav cov suab pom zoo yog cov ntau dua. Txoj cai tshiab no yuav raug xa mus rau vaj ntxwv Thaib sau yuas thiab yuav pib siv tom qab tso lus kheev li 120 hnub ntawm kev tshaj tawm raug cai. Thaib teb yuav yog lub teb chaws tim 3 nyob As Xias teb uas kheev cov neeg zoo ib yam rov sib yuav, los ntawm Nes Pas teb thiab Thais Vas teb. Cov neeg nrhiav kev ncaj ncees vam tias yuav muaj kev ua thawj rooj tshoob sib yuav sai sai rau lub 10 hli xyoo no.
Txoj cai tshiab uas hloov yog hais txog poj niam thiab poj niam, txiv neej thiab txiv neej uas yog sib yuav tau yam raug cai. Dhau no lawm tseem tso cai rau cov niam txiv li hais no kom muaj cai nrog lwm cov niam txiv tuaj yeem txais tau me tub me nyuam los tu thiab txais lub cuab tam. Thaib teb muaj suab nto npe ntev los lawm hais txog kev nyiaj uv tsoom pej xeem LGBTQ, thiab kev soj ntsuam txog kev pom zoo ntawm pej xeem, ua kom pom txog kev txhawb nqa ntau kawg txog kev sib yuav muaj vaj huam sib luag.
Ntau dua 30 lub teb chaws nyob thoob ntiaj teb uas tso cai kev sib yuav rau txhua leej, txij Nes Des teb yog thawj lub teb chaws uas pub cov neeg zoo ib yam rov sib yuav nyob hauv xyoo 2001
